Kunnskapsminister Kristin Halvorsen har sett ned ei ressursgruppe for nynorsk som hovudmål, som har som si oppgåve å sjå korleis ein kan få fleire til å halde på nynorsk som hovudmål i skulen. I dag startar dei arbeidet sitt.
Gruppa skal ifølgje BT.no finne ut korleis ein kan få meir kunnskap om årsaka til at skuleelevar byter målform frå nynorsk til bokmål, og dei skal kome med forslag til korleis ein kan hindre slike språkbyte.
I går kunne BT.no fortelje at medan kvar tredje elev i Hordaland bruker nynorsk når dei går ut av ungdomsskulen, er det berre ein av ti som bruker nynorsk som hovudmål i vidaregåande skule.
