Heim Nyhende Grunnlova på nynorsk

Grunnlova på nynorsk

Når Stortinget vedtar ei modernisert Grunnlov til grunnlovsjubileet i 2014, skal lovteksten liggje føre på både bokmål og nynorsk.

Stortingsgruppene til dei tre regjeringspartia, SV, Sp og Ap, har no alle gått inn for at Grunnlova også skal finnast på nynorsk. Høgre og Frp er innstilte på det same, skriv vekeavisa Dag og Tid.

Revideringa av Grunnlova, som sist vart modernisert i 1903, har komme i stand gjennom eit mangeårig samarbeid mellom tidlegare Frp-leiar Carl I. Hagen og den pensjonerte språkprofessoren Finn-Erik Vinje. Vinje har òg stått for sjølve moderniseringa av teksten.

Vil ha ny bokmålstekst

Men ikkje alle er like fornøgde med den nye bokmålsteksten, og det kan bli aktuelt og endre også den før Grunnlova blir lagt fram for Stortinget.

– Vi er ikkje fornøgde med den teksten som ligg føre frå Vinje og Hagen, og vil ha ein ny tekst, seier visepresident i Stortinget Marit Nybakk (Ap) til Dag og Tid.

KrF har enno ikkje tatt standpunkt i saka, mens Venstre, som det einaste stortingspartiet, er negativ til moderningseringsprosjektet. I Venstre ønskjer dei ein grundigare grunnlovsrevisjon der ikkje berre språket, men også innhaldet blir oppdatert.

To tredels fleirtal

Endringar i Grunnlova krev to tredels fleirtal på Stortinget. Endringsframlegg må seinast leverast inn i det nest siste stortinget i ein valperiode og liggje over eitt val før det blir behandla. Om den «nye» Grunnlova skal kunne vedtakast til grunnlovsjubileet i 2014, må framlegget vere klart før 28. september i år.

Kontroll- og konstitusjonskomiteen på Stortinget skal behandle grunnlovsframlegget 3. mai.

Den første Grunnlova vart formulert på dansk og vart modernisert til eit meir moderne norsk i 1903. Da Stortinget i 1906 behandla eit framlegg om ein nynorskversjon av Grunnlova, var mottakinga meir lunken, og det vart med det.

Men nynorskomsetjinga til Nikolaus Gjelsvik vart likevel publisert i Norsk lovtidend, som òg kom med oppdaterte versjonar i 1915 og 1933. Fram til 1985 vart det jamleg publisert oppdaterte nynorskversjonar i handboka «Grunnloven vår» (©NPK).

Førre artikkelVil redde nynorsken
Neste artikkelVil bremse målbyte

NYNORSK INSPIRASJON

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

MEST LESE

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...