Heim Nynorsk ressursbank Her finn du digitale skuleressursar på nynorsk

Her finn du digitale skuleressursar på nynorsk

Her får du hjelp til å finna digitale ressursar på nynorsk til bruk i skulen.

Stengde skular og digital heimeskule viser kor viktig det er med digitale ressursar på nynorsk. Her har me samla ei liste over digitale ressursar på nynorsk til bruk i skulen.

BARNETRINNET:

Nynorsksenteret.no har fleire fine digitale ressursar for både lærarar og elevar på barnetrinnet. Her finn du mellom anna teikneseriar og teikneseriekurs, boktips og interaktive aktivitetssider. Sjå gjerne videoen deira under om digitale læremiddel:

Framtidajunior.no har nyhende, skrivekonkurransar, bokmeldingar, kvissar, videoar, avstemmingar, journalistkurs, faktaartiklar og mykje anna kjekt for elevar på barnetrinnet. På lærarsidene deira finn du forslag til fleire undervisingsopplegg.

Tunkatten.no kan barna lesa og høyra spennande forteljingar, songar og lydbøker. Eller kanskje bli med på ein ordleik?

Foreningen Les har fleire utdrag frå nynorske bøker for mellomtrinnet samla på Tidforti.no. I Leseskogen kan du finna fleire nynorske historier for 1.-4.trinn, blant anna éi nyskriven historie frå Tor Arve Røssland.

Samlaget har fleire av dei nyaste bøkene sine på Lesemeister.no. Her er det mogleg å få prøveabonnement no.

Her finn du dei beste nynorske barnebøkene!

UNGDOMSTRINNET OG VIDAREGÅANDE:

Framtida.no og Magasinett.no har mange aktuelle tekstar for elevar på ungdomstrinnet og vidaregåande.

Framtida.no har samla dei beste eksamenssvara på nynorsk frå avgangseksamen i norsk på VG3.

Lærarrommet finn du fleire tips til å gjera skuletimane aktuelle på nynorsk.

Samlaget har fleire av dei nyaste bøkene sine på Lesemeister.no. Her er det mogleg å få prøveabonnement.

Nynorsksenteret.no har fleire fine digitale ressursar for både lærarar og elevar på ungdomstrinnet og vidaregåande. Her finn du mellom anna teikneseriar og teikneseriekurs, boktips og interaktive aktivitetssider.

Andre ressursar:

Nynodata har lagt ut den nynorske ordbokspakken, Ordrik, til nedlasting og gratis bruk ut skuleåret. Ordrik har ordbøker for nynorsk, bokmål til nynorsk, nynorske synonym og bokmål. Ordbøkene for nynorsk har også med stilmalar, som sikrar ein konsekvent språkleg stil.

Ordbøkene kan lastast ned frå Nynodata si heimeside, www.nynodata.no. Der ligg det også gyldig lisens. Direktelenke: http://dl.nynodata.no/download/ordrik2/latest/

Ordbøkene passar best for ungdomsskule og vidaregåande.

Lesesenteret, Skrivesenteret og Språkløyper har samla fleire nynorske læringsressursar.

Utdanningsdirektoratet har samla fleire tips til nynorskundervising frå barnehage til og med vidaregåande.

I tillegg kjem digitale læremiddel i nynorskversjonar hos fleire forlag.

Har du tips om fleire ressursar, eller nokon du kunne ønskt deg? Tips oss gjerne på svein @ framtida.no!

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...