Heim Nynorsk ressursbank Tips til digital litteraturformidling på nynorsk

Tips til digital litteraturformidling på nynorsk

Kreativiteten i den digitale litteraturformidlinga blømer i desse koronatider!

Her har me samla fleire tips til digital formidling av nynorsk litteratur:

1. Her er dei beste barne- og ungdomsbøkene på nynorsk: Som ein del av bokåret 2019 har Nynorsksenteret, Pirion, Framtida.no og Framtida junior kåra dei beste nynorske barne- og ungdomsbøkene etter år 2000 innanfor kategoriane bildebøker, barnebøker, ungdomsbøker og faktabøker. Tips gjerne lånarane dykkar om desse gjennom sosiale media!

Sjå alle bøkene samla i denne katalogen!

2. Få siste bokmeldingar og litteraturnytt på nynorsk på nettsidene dine: Mange bibliotek har skaffa seg ein RSS-feed med dei siste bokmeldingane til Framtida.no på nettsidene sine. Feeden finn du her: http://framtida.no/tagsimages/bokmelding/feed

Du kan òg kopiera inn ein iframe på nettsidene dine med siste litteraturnytt frå Framtida.no og siste boknytt frå Framtidajunior.no. Storleiken kan du bestemma heilt sjølv. Ta gjerne kontakt med svein @ framtida.no viss du treng hjelp!

4. Nynorskbok.no har mange bokmeldingar og bokomtalar av nynorske bøker for barn og unge. Her er bøkene sortert etter kva alder dei er tilrådde for.

5. Aleine saman: Nynorsk kultursentrum har tatt initiativ til å produsera ny kunst og kunnskap om koronatida. På nynorsk.no ligg det no fleire litterære bidrag på nynorsk ute og fleire skal det bli.

6. Samlaget har fått mange av forfattarane sine til koma med boktips på bloggen deira. Her det mange gode tips å dela vidare. På Facebook-sida Nynorske barnebøker deler Samlaget òg mange tips.

7. #Nettlest er ein ny digital formidlingsserie frå Haugesund folkebibliotek i samarbeid med den nynorske barne- og ungdomsbokfestivalen Falturiltu. Her er det mange nynorske forfattarar som les. Kanskje noko å bli inspirert av?

Jon Fosse las frå omsetjinga si av Forvandlinga av Franz Kafka saman med elevar ved Stord vidaregåande skule.

8. Ønskereprise: Sjå Jon Fosse i Grotten lesa Franz Kafka i lag med ungdom på Stord og frivillige i Jostedalen – minutt for minutt. Digital høgtlesing kan gjerne gjerast saman med andre. Kanskje finn du på eit nytt prosjekt?

9. Forfattaren Anders Totland formidlar frå fleire av faktabøkene sine for barn gjennom satsinga Faktisk frukost. Kanskje noko du har lyst til å dela?

10. Tid for ti er ein gratis og nasjonal leseaksjon for elevar på 7. trinn. Tid for ti er ein antologi med tekstutdrag frå ti gode bøker på nynorsk. Tid for ti er eit samarbeid mellom Foreningen !les, Nynorsksenteret og andre nynorskaktørar.

11. Førde bibliotek i Sunnfjord har laga til si første digitale lesestund for dei minste. Her finn du videoen!

Tips oss gjerne om spennande digitale formidlingsprosjekt som biblioteket ditt held på med! Framtida.no, Framtidajunior.no og Pirion er gjerne med på å samarbeida om gode prosjekt! Til saman når desse tilboda ut til godt over 100.000 brukarar kvar månad.

NYNORSK INSPIRASJON

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

Fem bibliotek kan bli nynorskfyrtårn

På landsmøtet i Noregs Mållag i helga lanserer direktør i Nynorsk kultursentrum Per Magnus Finnanger Sandsmark ei ny satsing på nynorskformidling i...

Tips til digital litteraturformidling på nynorsk

Kreativiteten i den digitale litteraturformidlinga blømer i desse koronatider! Utlånet av digitale bøker har auka dramatisk etter at biblioteka stengde. Her har me samla fleire tips...
Foto: Colourbox

Her finn du digitale skuleressursar på nynorsk

Her får du hjelp til å finna digitale ressursar på nynorsk til bruk i skulen. Stengde skular og digital heimeskule viser kor viktig det...

MEST LESE

Stortinget vedtok Språklova

Torsdag 25. mars vedtok Stortinget ei ny språklov for Noreg. Sjølv om Noregs Mållag har nokre punkt dei gjerne skulle sett var...

Ruset held fram som leiar i Kringkastingsringen

Inger Johanne Ruset (35) frå Valldal i Møre og Romsdal har teke attval som leiar i Kringkastingsringen. Sjølv om det første året...

Regjeringa viser vilje til meir nynorsk for barn

Nynorsk kultursentrum er glade for at Abid Q. Raja har lagt fram ei barne- og ungdomskulturmelding som peikar på eigne tiltak for...
Sentralkomiteen til Falturiltu: Hege Myklebust, Roald Kaldestad, Anna R. Folkestad, Jane Jünger og Trond Leirvik Onarheim. Foto: privat

Rekordstor tildeling til Falturiltu frå Kulturrådet

Den nynorske barne- og ungdomslitteraturfestivalen Falturiltu har nett fått tildelt 250.000 kroner frå Norsk kulturråd. Programrådet for Falturiltu skriv...