Over 85 000 nye studentar skal snart ta til på sitt første semester ved ein høgskule eller eit universitet. Det er gitt tilbod om totalt 4 878 fleire studieplassar i år enn i fjor.
I fjor var det meir enn 250 000 studentar i ulike studieløp, og kullet blir altså større i år enn i fjor. På fem år har vi fått 25 000 fleire studentar til høgare utdanning, noko som tilsvarar fem middels store høgskular, seier Kunnskapsdepartementet i ei pressemelding.
61 prosent av studentane ved høgare utdanning er kvinner, og det er eit tal som har halde seg stabilt dei siste åra. Den nye studenten er i gjennomsnitt 24 år og tre månader. Økonomi og administrasjon er dei studieområda flest studentar har kome inn på.
