Falturiltu er tildelt NBU-prisen 2012 for sitt arbeid med formidling av barne- og ungdomslitteratur.
Prisen vart delt ut Norske Barne- og Ungdomsbokforfattere på medlemsmøtet 12. oktober. Litteraturfestivalen Falturiltu opnar 4. november med Odd Nordstoga, Ragnar Hovland og Maria Parr på programmet.
– Litteratur for barn og ungdom står i 2012 sterkare enn nokonsinne. det kjem ut mange og gode bøker for dei viktigaste lesarane, dei yngste. Norsk litteratur får merksemd ute i verda, norske bøker blir omsett til andre språk og norske forfattarar blir invitert ut i verda for å fortelje om sine bøker, skriv juryen i grunngjevinga for prisen.
Les også: Falturiltu får støtte frå Sparebanken Vest
– Likevel meiner me aldri at litteraturen vår kan få nok – eller for mykje – merksemd. Me er difor glade for at det finst eldsjeler som vil legge ned mykje og viktig arbeid i å formidle bøkene til eit breidt publikum . I Noreg finst det i dag ei rekke festivalar som vil ivareta litteraturen og forfattarskapa. I Norge finnes det i dag en rekke festivaler som vil ivareta litteraturen og forfatterskapenn, seier juryen og viser til at Sunnhordland har markert seg som eit kraftsentrum i norsk barne – og ungdomslitteratur.
– Felles for mange av desse forfattarane er at dei skriv på nynorsk og har bidrege til at nynorske barne-og ungdomsbøker har ein så sterk posisjon som dei har i dag, med alt frå biletbøker for dei minste, til dikt, spenning og grøssarar. Kva er meir naturleg enn at ein i eit slikt kraftsentrum også arrangerer ein eigen festival for denne litteraturen, ein festival som er den einaste nynorske festivalen for barne-og ungdomsøker i heile verda, slår juryen fast.
