Onsdag 27. mai kl. 14.00 deler kommunal – og regionalminister Magnhild Meltveit Kleppa ut Pris for offentleg målbruk 2009 på Alexandra Hotel i Loen. Det er Landssamanslutninga av Nynorskkommunar som gir ut denne prisen annakvart år.

Prisen kan gå til ei offentleg verksemd som har arbeidd for å fremje nynorsk språk, men den kan også gå til einskildpersonar som er markerte nynorskbrukarar i det offentlege rommet. Den første prisen vart delt ut i 1993.

Blant tidlegare prisvinnarar kan ein nemne Ullensvang herad, Vågå reiselivslag, Fylkesmannen  i Rogaland, Odd Nordstoga, Lotteritilsynet og Peer Gynt – spelet.

Det er styret i LNK som er jury for prisen. Prisen vert delt ut under LNK sitt landsting på Alexandra Hotel i Loen 27 – 29 mai. Tema under landstinget er kommunal omdømmebygging, arbeidsinnvandring og vern og vekst i lokalsamfunnet.

For meir informasjon, ta kontakt med dagleg leiar i LNK

Vidar Høviskeland
22 33 14 00
post@lnk.no

Landssamanslutninga av Nynorskkomunar (LNK) set mellom anna fokus på omdømmebygging under landstinget på Alexandra Hotel i Loen denne veka.

– Me er svært glade for at kommunalministeren vil kome til oss og fortelje om storsatsinga som departementet legg opp til når det gjeld omdømmebygging i kommunane. Elles vil me gi mange døme på korleis kommunane faktisk arbeider med dette i kvardagen, seier dagleg leiar Vidar Høviskeland og legg til:

– Det er tre ulike tema på landstinget i år, men sjølv om dei kan sjå ulike ut, heng dei saman. Alt handlar om å skape vilje til å bu i ein kommune.

27. til 29. mai skal landstinget til LNK fokusere på omdømmebygging, arbeidsinnvandring og vern kontra vekst i lokalsamfunnet. Landstinget vert arrangert på Hotel Alexandra i Loen. LNK er ei samanslutning av kommunar, fylkeskommunar og interkommunale tiltak, som har som føremål å fremje nynorsk språk og kultur i offentleg verksemd.

Eit sentralt tema under landstinget er arbeidsinnvandring. Det kan kanskje høyrast merkeleg ut, meiner Høviskeland, sidan arbeidsløysa no stig i privat sektor. Likevel trur han at rekruttering frå utlandet vil vere sentralt også i tida som kjem, kanskje særleg innafor omsorgsyrka. Han trekk mellom anna fram professor Stein Ringen som vil snakke om arbeidsmigrasjon i Europa.

– Fredagen skal me snakke om vern og vekst. Me vil freiste å synleggjere at både verneverdige naturområde og kulturminne er ein ressurs som kan brukast, og me ynskjer å stille spørsmål ved om ikkje eit langstrakt land som Norge bør ha eit meir differensiert lovverk på dette området, seier Høviskeland.

For meir informasjon, ta kontakt med dagleg leiar i LNK
Vidar Høviskeland
22 33 14 00
post@lnk.no

Landssamanslutninga av Nynorskkomunar (LNK) set mellom anna fokus på omdømmebygging under landstinget på Alexandra Hotel i Loen denne veka.

– Me er svært glade for at kommunalministeren vil kome til oss og fortelje om storsatsinga som departementet legg opp til når det gjeld omdømmebygging i kommunane. Elles vil me gi mange døme på korleis kommunane faktisk arbeider med dette i kvardagen, seier dagleg leiar Vidar Høviskeland og legg til: 

– Det er tre ulike tema på landstinget i år, men sjølv om dei kan sjå ulike ut, heng dei saman. Alt handlar om å skape vilje til å bu i ein kommune. 

27. til 29. mai skal landstinget til LNK fokusere på omdømmebygging, arbeidsinnvandring og vern kontra vekst i lokalsamfunnet. Landstinget vert arrangert på Hotel Alexandra i Loen. LNK er ei samanslutning av kommunar, fylkeskommunar og interkommunale tiltak, som har som føremål å fremje nynorsk språk og kultur i offentleg verksemd.

Eit sentralt tema under landstinget er arbeidsinnvandring. Det kan kanskje høyrast merkeleg ut, meiner Høviskeland, sidan arbeidsløysa no stig i privat sektor. Likevel trur han at rekruttering frå utlandet vil vere sentralt også i tida som kjem, kanskje særleg innafor omsorgsyrka. Han trekk mellom anna fram professor Stein Ringen som vil snakke om arbeidsmigrasjon i Europa.

– Fredagen skal me snakke om vern og vekst. Me vil freiste å synleggjere at både verneverdige naturområde og kulturminne er ein ressurs som kan brukast, og me ynskjer å stille spørsmål ved om ikkje eit langstrakt land som Norge bør ha eit meir differensiert lovverk på dette området, seier Høviskeland.

For meir informasjon, ta kontakt med dagleg leiar i LNK
Vidar Høviskeland
22 33 14 00
post@lnk.no

Onsdag 27. mai kl. 14.00 deler kommunal – og regionalminister Magnhild Meltveit Kleppa ut Pris for offentleg målbruk 2009 på Alexandra Hotel i Loen. Det er Landssamanslutninga av Nynorskkommunar som gir ut denne prisen annakvart år.

Prisen kan gå til ei offentleg verksemd som har arbeidd for å fremje nynorsk språk, men den kan også gå til einskildpersonar som er markerte nynorskbrukarar i det offentlege rommet. Den første prisen vart delt ut i 1993.

Blant tidlegare prisvinnarar kan ein nemne Ullensvang herad, Vågå reiselivslag, Fylkesmannen  i Rogaland, Odd Nordstoga, Lotteritilsynet og Peer Gynt – spelet.

Det er styret i LNK som er jury for prisen. Prisen vert delt ut under LNK sitt landsting på Alexandra Hotel i Loen 27 – 29 mai. Tema under landstinget er kommunal omdømmebygging, arbeidsinnvandring og vern og vekst i lokalsamfunnet.

For meir informasjon, ta kontakt med dagleg leiar i LNK

Vidar Høviskeland
22 33 14 00
post@lnk.no

– Norge er eit lite politisk system det er lett å orientere seg i, seier forskar Anne Therese Gullberg.

Lobbyverksemd står sentralt i alle prosessar der beslutningar vert tekne. Dette gjeld ikkje minst politiske prosessar, både lokalt, nasjonalt og internasjonalt.

– Den største forskjellen på å drive lobbyverksemd i Norge, og til dømes inn mot EU er at det internasjonale systemet er større med fleire ulike inngangsportar. I Norge er det lett å få eit møte med beslutningstakarane, seier Gullberg som har forska på lobbyverksemd.

Ho viser også til at bruken av profesjonelle lobbyistar aukar.

–  Mange organisasjonar søkjer profesjonell hjelp for å få lagt ein god strategi, seier Gullberg.

Les meir om lobbyverksemd i neste LNK-avisa.

Det er flest EU-motstandarar blant stortingskandidatane ved valet til hausten. Det viser ei ny undersøking.

Meiningsmålinga som analysebyrået Perduco har utført, viser at 48 prosent av stortingskandidatane seier nei til EU, medan 42 prosent seier ja, skriv Avisenes Nyhetsbyrå (ANB).

Heile 95 prosent av Høgres kandidatar er for EU-medlemskap, medan Ap har 52 prosent ja-folk. Venstre er, kanskje ikkje overraskande historisk sett, delt på midten, med 46 prosent for og 43 prosent mot EU.

Senterpartiet har berre EU-motstandarar på listene, medan Framstegspartiet kan skilte med knapp nei-overvekt. (©NPK)

Av LNK NYTT 20.mai.2009

Det er flest EU-motstandarar blant stortingskandidatane ved valet til hausten. Det viser ei ny undersøking.

Meiningsmålinga som analysebyrået Perduco har utført, viser at 48 prosent av stortingskandidatane seier nei til EU, medan 42 prosent seier ja, skriv Avisenes Nyhetsbyrå (ANB).

Heile 95 prosent av Høgres kandidatar er for EU-medlemskap, medan Ap har 52 prosent ja-folk. Venstre er, kanskje ikkje overraskande historisk sett, delt på midten, med 46 prosent for og 43 prosent mot EU.

Senterpartiet har berre EU-motstandarar på listene, medan Framstegspartiet kan skilte med knapp nei-overvekt. (©NPK)

Ferjene langs kysten skal ta i bruk biodiesel. Eit prøveprosjekt skal setjast i gang i Møre og Romsdal, men førebels er ikkje ferjesambandet bestemt.

Langs kysten er det no ei rekke prosjekt, der ferjeflåten tek i bruk gass som drivstoff. No er det altså eit pilotprosjekt med biodiesel som skal setjast i gang.

– Vi kan ikkje halde fram å bruke fossilt drivstoff i all framtid. Det er ikkje fornybart og det skadar miljøet. Så det er viktig å forske på alternativt drivstoff, og eg håpar at prøveprosjektet i Møre og Romsdal kan komme miljøet til gode, seier stortingsrepresentant Jenny Klinge (Sp) til NRK.

Ho er spent på kva for svar dette prøveprosjektet vil gi. For det er fleire utfordringar og moglege skjær i sjøen.

– Vassinnhaldet i biodiesel er høgare enn i vanleg diesel. Det kan vere ei potensiell utfordring. Det kan også oppstå problem med slangar og pakningar i ferjemotorane. Det kan bli spennande å sjå kva for problem som kan oppstå, og kva for løysingar som finst på dei problema, seier Klinge. (©NPK)

Frå i år av er LNK og Skrivekunstakademiet offisielle samarbeidspartnarar for Aurland kommune sitt litteraturprosjekt Littkrit.

Gjennom Littkrit får ungdommar mellom 16 og 19 delta i ulike aktivitetar knytte til litteartur og skrivekunst. I år skal Littkrit ha skrivekurs i juli, og 10 ungdommar kan få delta på kurset.

Skrivekurset finn stad i Aurland, og alle som ønskjer å vere med må søke innan 2. juni. Samstundes med dette tilbodet for ungdommen skal Skirvekunstakademiet ha eit skrivekurs for vaksne. Dei tre beste tekstane frå desse to kursa blir presenterte på Nynorsk Litteraturdagar i Aurland i månadsskiftet oktober-november.

Littekrit starta opp i Aurland i 2006 og har vore eit attraktivt tilbod til ungdom hovudsakleg frå Sogn og Fjordane. Tidlegare år har ungdommane til dømes hatt som sommarjobb å lese og melde bøker. Prosjektet har sin eigen nettstad kor omtalane av bøkene er presenterte.

Meir om Littkrit: Jobben er å lese bøker (ABC Nyheter)
Meir om Nynorske Litteraturdagar: Litteraturdagar i utvikling

Framsidefoto: Aurland kommune

Korleis skal Diktarvegen drivast vidare organisatorisk og økonomisk? Ei prosjektskisse som definerer desse og andre utfordringar for prosjektet er venta å vere klar til presentasjon på landstinget til LNK neste veke.

Styreleiar i Diktarvegen, Arne Kleppa, seier til avisa Nashornet at at ein då håpar å ha eit grunnlag for å ta stilling til om prosjektet skal vidareførast eller ikkje.

– Viktige samarbeidspartar er diktarsentra, destinasjonsselskapet IS Fjordvegen, Nasjonal turistveg, og sjølvsagt kommunar og fylkeskommunar, seier han.

Meir om landstinget:
Programmet

Landstinget – aktuelle saker:
• Vurderer omdømmeskule
• Deler ut målpris
• Arbeidsinnvandringa aukar
• Seier nei til freding av veg
• Må finne det unike
• Dahle innstilt som leiar
• Språkpris i mai
• Bygdelivsmeklar skal snu vinden
• Verneområde med to sider
• Auka arbeidsinnvandring gir utfordringar
• Kommunar må våge å vere annleis

LNK-avisa 2 med landstinget som tema – les avisa her!

Eit dårleg omdømme kan koste ein kommune dyrt i forhold til tap av innbyggjarar, seier omdømmeekspert Yngve Carlsson.

Distriktskommunar med dårleg omdømme vil få problem med å stoppe utflytting og å skape vekst i forhold til kommunar med eit bra rykte, fortel Carlsson til KRD sin eigen omdømmeportal Ry.

Carlsson er seinorforskar hjå Kommunenes sentralforbund og har forska på byar og bygder som har fått eit dårleg omdømme, anten lokalt eller nasjonalt.

Forskinga viser at eit dårleg omdømme mellom anna kan kome som eit resultat av omtalt krimminalitet, gjerne kopla til kultur eller eit lokalsamfunn som vert omtala som trist og stygt.

– Då tek lokalsamfunnet steget vekk frå å vere kulissar for kriminaliteten. I staden vert det ein del av forklaringa bak det negative som skjer der, seier Carlsson. Det kan ta langt tid for ein kommune å få snudd eit dårleg omdømme.

Men håp er det for alle, seier eksperten, og viser til korleis både Bjugn og Drammen har greidd å skaffe seg ry som høvesvis Årets barne- og ungdomskommune og ein av dei store vekstkommunane i landet.

Les heile saka hjå Ry.

Omdømmebygging er eit tema på landstinget til LNK i Loen 27. – 29. mai.

Av LNK NYTT 18.mai.2009

Eit dårleg omdømme kan koste ein kommune dyrt i forhold til tap av innbyggjarar, seier omdømmeekspert Yngve Carlsson.

Distriktskommunar med dårleg omdømme vil få problem med å stoppe utflytting og å skape vekst i forhold til kommunar med eit bra rykte, fortel Carlsson til KRD sin eigen omdømmeportal Ry.

Carlsson er seinorforskar hjå Kommunenes sentralforbund og har forska på byar og bygder som har fått eit dårleg omdømme, anten lokalt eller nasjonalt.

Forskinga viser at eit dårleg omdømme mellom anna kan kome som eit resultat av omtalt krimminalitet, gjerne kopla til kultur eller eit lokalsamfunn som vert omtala som trist og stygt.

– Då tek lokalsamfunnet steget vekk frå å vere kulissar for kriminaliteten. I staden vert det ein del av forklaringa bak det negative som skjer der, seier Carlsson. Det kan ta langt tid for ein kommune å få snudd eit dårleg omdømme.

Men håp er det for alle, seier eksperten, og viser til korleis både Bjugn og Drammen har greidd å skaffe seg ry som høvesvis Årets barne- og ungdomskommune og ein av dei store vekstkommunane i landet.

Les heile saka hjå Ry.

Omdømmebygging er eit tema på landstinget til LNK i Loen 27. – 29. mai.

Regjeringa vil gi kommunane mellom 3,5 og 4 milliardar kroner meir neste år, skriv Kommunal Rapport.

Etter det Kommunal Rapport kjenner til går denne auka overføringa fram av kommuneproposisjonen som statsminister Jens Stoltenberg (Ap) og kommunalminister Magnhild Meltveit Kleppa (Sp) legg fram torsdag. Kommunane får også 1,3 milliarder kroner ekstra i revidert nasjonalbudsjett som vert lagt fram torsdag, melder NRK.