Austrheim kommune prisen for Beste eKommune 2014 i klassen kommunar under 5000 innbyggarar.

KS har kartlagt korleis det står til med digitaliseringa i kommunesektoren, dei med flest poeng innanfor fire kategoriar har blitt «Beste eKommune 2014». Prisen har blitt delt ut av KS sidan 2006, og frå 2011 blei prisen til kommunane tredelt basert på innbyggartal.

– Det var for å yta gode, men små kommunar rettferd, sa Trude Andresen, direktør for KS forskning, innovasjon og digitalisering då hun delte ut årets pris.

Prisen er basert på eit grundig heilskapsbilete, der kommunane blant anna har svara på om dei har oppnådd måla i  Digitaliseringsstrategien fra KS.

Dei andre vinnarane av årets pris for Beste eKommune er Bergen, Oppland og Lyngdal.

Digitale skilje
– Det er framleis strekk i laget. Det går framover, men vi går ikkje i samla flokk, sa Andresen. Kartlegginga har 500 oppnåelege poeng. Den beste kommunen har 84 prosent måloppnåing, medan den kommunen med lågaste score har fått 18,5 prosent. For fylkeskommunane varierer det mellom 41 prosent og 75 prosent måloppnåing.

– Vi ser at kommunestørrelse ikkje nødvendigvis har noko å seia, sjølv om det sjølvsagt er mange store kommunar i toppen.

Varaordførar Helge Dyrkolbotn tok i mot prisen til Austrheim, og streka under i takketalen at ein slik pris hadde ikkje vore mogleg å vinna for ein liten kommunen utan eit godt interkommunalt samarbeid. Han rosa difor det arbeidet IKTNordhordland har gjort og framleis gjer. Vidare takka han dyktige medarbeidarar i kommunen som kvar dag står på for å vidareutvikla dei digitale teneste som kommunen kan tilby innbyggarane.

– Ein slik pris gjev ekstra motivasjon til å stå på vidare med dette arbeidet. Sjølv om Austrheim kommune har vunne denne prisen så har ein framleis mykje å strekka seg etter når det gjeld å bli ein god og open eKommune, seier Dyrkolbotn.