Heim Nyhende Får lokale namn på skilta

Får lokale namn på skilta

125 vegskilt på Sotra er feil, etter at Fjell kommune vedtok nye stadnamn på 1990-talet. No byter dei ut skilta.

Prislappen for å byte ut skilta er 316 000 kroner pluss frakt. Det skriv Bergens Tidende.

Det er resultatet av at dei på 1990-talet vedtok ein del nye stadnamn i kommunen, for å kome nærare Sotra-dialekten. Møvik kai vert Møvikkaien, Algrøy til Algrøyna og Lokøy til Lokøyna.

Algrøy er blant stadane på Sotra som skiftar namn. No heiter det Algrøyna. Foto: Marius Lauritsen/Flickr

– Dette er unikt, og eg kan ikkje kome på nokon andre som har gått så grundig til verks som Fjell kommune, seier Kjell Erik Steinbru i stadnamntenesta i Språkrådet til avisa.

Vigleik Brekke i Fjell kommune seier dei ikkje har fått noko særleg med reaksjonar enno. Utanom at Vindnes burde heite Vindenes, og det var kommunen einige i sjølve.

Når dei først er i gang med å byte ut skilt, tek dei andre skilt som er på bokmål om til nynorsk. Det vert slutt på «Gjelder ikke buss» til fordel for «Gjeld ikkje buss».

Kommunen deler utgiftene med Statens vegvesen. Skyss og fylkeskommunen er òg med på prosjektet, og syt for at alle busstopp og rutehefte vert oppdaterte med dei rette namna.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...