Telemark mållag synest det er viktig å stimulere til leselyst og språkpåverknad allerie i barnehagen. No gir dei bort 200 bokpakkar til barnehagar i Telemark, gåver til ein samla verdi av 80 000 kroner.
Telemarksavisa var med når Edland barnehage i Vinje fekk si pakke med 15 nynorskbøker for barn. Assistent Evelyn Tverrås forklarar til avisa at det ofte blir at dei omset til dialekt eller les bøkene på bokmål når dei ikkje er skrive på nynorsk.
– Eg merkar at det er mykje meir naturleg å lese dette, seier ho om dei nye bøkene barnehagen no har fått.
Leiar Ragnvald Christenson i Telemark mållag seier utvatning av dialektane og påverknad til bokmål og engelsk via internett og tv er utfordrande for språket. Han rår barnehagen til å knyte tettare band til biblioteket slik at tilgangen på nynorskbøker kan bli betre.
– Det kan vere eit godt tips for andre barnehagar også, at bibliotekaren nokre gonger i året lagar kasar med ulike nynorskbøker, seier Christenson.
