Heim Nyhende Hundrevis av sunnhordlendingar vil til Rogaland

Hundrevis av sunnhordlendingar vil til Rogaland

Onsdag 14. februar fekk ordføraren på Stord Gaute Straume Epland overrekt 390 underskrifter frå sunnhordlendingar som har skrive under på eit opprop om at Stord bør bli ein del av Rogaland. 

 

Det er Lars Slettebø som har teke initiativ til underskriftskampanjen. Han meiner at folk ikkje er høyrde i samband med samanslåinga av Hordaland og Sogn og Fjordane, skriv bladet Sunnhordland.

Slettebø meiner det er meir naturleg at både Stord, Sveio, Bømlo og Fitjar samarbeider med Rogaland enn med eit storfylket nordover. Han peikar på at desse kommunane alt har eit godt samarbeid med Rogaland på fleire område.

I oppropet blir det dessutan peikt på at Stord er den kommunen i landet med det mest oljeretta næringslivet og at det difor er mest naturleg å høyra til oljefylket og ha Stavanger som regionshovudstad.

Ordførar i Stord kommune, Gaute Straume Epland, trur derimot ikkje overgang til nytt fylke er vegen å gå.

– Eg deler misnøya di over at ikkje Rogaland blei med i storfylket, og eg ser på samanslåinga av Hordaland og Sogn og Fjordane som første steg på vegen mot eit stort vestlandsfylke, seier han til avisa.

Dersom Stord melder overgang til Rogaland fryktar han at Sunnhordland blir splitta og at utbrytarane som vel å gå til Rogaland blir ståande åleine. Epland seier han i staden er meir samd med Haugesund-ordførar Arne-Christian Mohn som har teke til orde for at nordre delen av Rogaland bør bli ein del av Hordaland.

– Dersom Nord-Rogaland byggjer alliansar mot nord, tru eg resten av Rogaland kjem etter, seier Stord-ordføraren.

Men det siste ordet om oppropet er enno ikkje sagt. Med 390 underskrifter kjem saka opp i kommunestyret.

– Det trur eg me kan vera tente med, seier ordføraren.

<p>(©NPK)</p>

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...