Heim Nyhende Mange er likegyldige til kommunereforma

Mange er likegyldige til kommunereforma

Ordførarar, kommunepolitikarar, rådmenn og andre lokale aktørar ønskjer at folkerøystingar skal respekterast så langt det lèt seg gjere. Om lag halvparten av folket er derimot likegyldige til kommunereforma. 

 

Det er i ei landsrepresentativ spørjegransking frå Norsk medborgerpanel det kjem fram at mange er likegyldige til reforma.

– Slik den undersøkinga står fram verkar det som spørsmålet om kommunereforma ikkje er særleg brennheitt blant folk flest. Heile 46 prosent av dei som deltok svarte at dei ikkje hadde meiningar om kommunereforma. Mange har kanskje ikkje fått med seg kva ei eventuell samanslåing inneber, seier Bjarte Folkestad til Nynorsk pressekontor.

Folkestad er ein av forskarane som har jobba med rapporten «Lokale folkeavstemninger om kommunesammenslåing: Praksis og prinsipper.» Rapporten, som blei publisert midt i november, tek for seg dei lokale folkerøystingane som har blitt haldne i samband med den kommunereforma.

Lokalpolitikarar vil respektere folket

Folkestad og dei andre forskarane har mellom anna intervjua ordførarar, kommunepolitikarar, rådmenn og andre lokale aktørar i samband med rapporten. Intervjua peikar på at politikarar og lokal administrasjon i stor grad er opptekne av å respektere resultata frå ei rådgjevande folkerøysting.

– Totalt gjennomførte vi 29 intervju i 13 case-kommunar. Det er heilt tydeleg at politikarar og kommuneadministrasjon ønskjer å respektere valresultata frå dei rådgjevande folkerøystingane, seier Folkestad.

– Kvifor blir det så viktig for politikarane å respektere folkemeininga når mange er likegyldige til reforma?

– Det er klart at politikarar som står midt oppe i reforma har eit heilt anna forhold til den enn folk flest. Det er nok hovudårsaka til at dei ønskjer å respektere folkemeininga, fortel Folkestad.

Lokale variasjonar

Undersøkinga frå Norsk medborgerpanel tek ikkje for seg lokale variasjonar. Det er difor vanskeleg å seie noko konkret om kvar ein bryr seg minst om reforma og kven som bryr seg minst om reforma.

– Deltakinga i folkerøystingane har variert frå 10 prosent til rundt 75 prosent. Det viser at det eksisterer lokale variasjonar rundt engasjementet, men kvar engasjementet er størst har vi ikkje vi sett noko på, avsluttar Folkestad.

Norsk medborgerpanel er finansiert av Universitetet i Bergen / Uni Research Rokkansenteret. 2108 respondentar deltok i den undersøkinga.

(©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...