Ryfylkekokken Frode Selvaag har bygd opp eit ekte matkultusenter på Finnøy.
Nede på kaien i Steinnesvåg på Finnøy ligg Landahuset, eit ekte matkultursenter der Ryfylkekokken driv serveringsstad, kursstad og eige kjøkken. Han er oppteken av av lokale matvareprodusentar viser igjen i regionen.
– Me har berre sett ein lillefinger av den interessa som finst der ute for trygg og rein mat. Og kvifor skal alle produsentar bli så store. Dei fleste av oss kan vre lukkelege som små, meiner Selvaag.
Han sparkar frå i debatten om at Rogaland mister fotfestet som matfylket.
– Rogaland er ikkje det matfylket me gjerne vil vere. Me må ikkje ta livet av mangfaldet som finst her. Me må våge å satse meir på dei små, våge å sjå til kommunar som Inderøy i Trøndelag som har laga til Den Gyldne Omvei. Der tilbyr dei lokal kunst, kultur og matopplevingar som gir regionen ein heilt spesiell identitet.
Før Ryfylkekokken kom til Landahuset på Finnøy var han innom Gastronomisk Institutt i Stavanger, som kokk ved den norske ambassaden i Washington DC, sous-sjef på Craigs Kjøkken i Stavanger og kjøkkensjef ved Spa Hotell Velvære på Hjelmeland. Han har klokketru på matkulturen i Ryfylke.
– Det er ikkje noko i vegen for at Ryfylke kan bli det for Noreg som Toscana er for Italia. Me har spekteret og mangfaldet. Men me må slutte å snakke om at det er naturen som fange turistane. Me må byrje å selje historia vår, og matkulturen, slår han fast.
Les meir om øykommunen Finnøy i kommunepresentasjonen i neste utgåve av LNK-avisa.
