Heim Nyhende Meiner me er klare for 16-åringar som stemmer

Meiner me er klare for 16-åringar som stemmer

Kommune- og fylkestingsvalet til hausten markerer andre runde med forsøk med stemmerett for 16-åringar. Sveinung Rotevatn i Venstre meiner me veit nok til å realisera prosjektet.

 

Stortingsrepresentanten meiner me allereie veit nok om stemmerett for 16-åringar til å gå vidare med prosjektet.

– Det er aldri feil med meir erfaring, men eg meiner me allereie har den kunnskapen me treng, seier Rotevatn i eit intervju med NTB.

LES OGSÅ: Her stemmer 16-åringen

Håvard Tvinnereim, avdelingsdirektør i Kommunal- og moderniseringsdepartementet, seier at årets forsøk ikkje er spesielt betre eller annleis enn forsøket som vart gjort i 2011, men at dei skal sjå nærare på kva som påverkar valdeltakinga og korleis variasjonen er mellom kommunane i denne runden.

– Kunnskapsgrunnlaget vil bli betre når forsøket blir gjort over to val og med eit utvida tal kommunar, seier Tvinnereim til NTB.

Dessutan vil departementet finna ut om 16-åringane som stemte sist gong, også stemmer denne gongen. Rotevatn meiner me ikkje treng eit nytt forsøk for å finna ut nettopp det.

– Det å stemma er ei vanesak. Stemmer du ved eitt val, er det meir truleg at du stemmer ved neste, seier Rotevatn.

Han trekk fram at valdeltakinga er høgare blant 16-åringar enn 18-åringar.

– 16-åringar har meir ro i livet sitt. Dei bur heime, og dei får informasjon om valet på skulen. 18- og 19-åringar er ofte i ein oppbrotsfase. Kanskje flyttar dei heimafrå, kanskje skal dei studera eller i militæret. Då er ikkje nødvendigvis valdeltaking det som blir prioritert høgast, seier Rotevatn.

16- og 17-åringar skal stemma i 20 kommunar i haust, slik som ved førre val. Ti av desse kommunane var med i førre runde, medan ti er nye.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...

Gratis nettseminar: Korleis kan me hindra språkbyte i vidaregåande skule?

Torsdag 23. mars arrangerer Nynorsksenteret eit gratis nettseminar om korleis ein kan hindra at elevar skiftar frå nynorsk til bokmål. Molde vidaregåande har teke nokre...

Inviterer til å tolke Dolly og Johnny på nynorsk eller dialekt

Dolly Parton og Johnny Cash på nynorsk eller dialekt. No blir ein ny gjendiktingskonkurranse kunngjort. Inspirert av suksessen med å be om slike tolkingar av...

Fleirtal for nynorsk i Telemarkskommune

Etter ei rådgivande folkerøysting i Hjartdal går eit fleirtal inn for å behalde nynorsk som hovudmål på offentleg skule i kommunen. Nynorsk fekk 189 stemmer,...