Heim Nyhende Ny borgarleg gulrot til kommunar som går saman

Ny borgarleg gulrot til kommunar som går saman

Høgre, Frp, Venstre og KrF er samde om å gi 100 millionar kroner ekstra til kommunar som slår seg saman. Pengane er sett av til veg og IKT.

 

Det kjem fram i kommuneproposisjonen, som blir lagt fram i samband med revidert nasjonalbudsjett onsdag.

50 millionar kroner er allereie sett av til tilskot til å ruste opp eller ferdigstille fylkesvegar, breiband og andre digitaliseringsprosjekt for kommunar som fattar vedtak om kommunesamanslåing innan 1. juli i år.

No blir summen for 2017 auka med 100 millionar, til totalt 150 millionar kroner, opplyser Høgres kommunalpolitiske talsperson Ingjerd Schou til NTB.

– Kommunar som går saman, får no moglegheit til for eksempel å ruste opp ein veg som går mellom dei, eller byggje ut breiband dersom dekninga er dårleg i lokalsamfunnet, seier kommunalkomiteleiar Helge André Njåstad (Frp).

Mange har søkt

Kommunesamanslåing er éi av dei store reformprosjekta til regjeringa. I vår gjennomfører ei rad kommunar folkeavstemmingar og innbyggjarundersøkingar i prosessen med å vurdere samanslåing.

Mange kommunar har allereie søkt om støtte i samband med tilskotsordninga som no blir styrkt.

Kommunaldepartementet har fått 36 søknadar frå til saman 95 kommunar. Total søknadssum er 222 millionar kroner til totalt 59 enkelttiltak.

Krev samanslåing

30. juni er fristen kommunane har til å komme fram til frivillige løysingar seg imellom om samanslåing.

Søknadar om støtte til å ferdigstille infrastruktur vil ikkje bli behandla før det er fatta formelle vedtak om samanslåing, altså etter 1. juli. Prosjekta må også vere fysisk i kommunar som slår seg saman.

– Dei til saman 150 millionar kronene som blir løyvde i år og neste år, kjem på toppen av allereie gunstige økonomiske ordningar for kommunar som slår seg saman, seier André Skjelstad frå Venstre. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...