Fleire lokalavis-redaktørar protesterer no på regjeringa sitt framlegg om å kutte i pressestøtta.
Regjeringen vil kutte støtta til 30 lokalaviser. 14 av dei har nyhende på nynorsk, og ti er reine nynorskaviser, skriv Klassekampen.
– Ein av de billigste måtane å sikre at nynorsklesarar får lese nynorsk på, er å sørge for at lokalavisene kan levere gode produkt, seier Rune Sæbønes, redaktør i Møre-Nytt til Klassekampen.
Les også: – Ingen nynorskaviser å miste
Saman med redaktørane i Vikebladet Vestposten, Fjordingen og Fjordenes Tidene, som alle bruker nynorsk, har han utarbeida eit høyringsnotat med kritikk av regjeringa sitt framlegg til Mediebedriftenes Landsforening. Avisene ber organisasjonen om hjelp sidan dei sjølve ikkje har blitt rådført i høyringsrunden.
Regjeringa vil kutte støtta til nummer èin- og åleineaviser som har mellom 4000 og 6000 i opplag. Ei kartlegging utført av Mediebedriftenes Landsforening viser at 17 av 30 aviser som blir ramma av framlegget hadde negativt driftsresultat i fjor, skriv Klassekampen.
– For mange av oss er økonomien pressa. Å kome med dette kuttet nå er alvorleg. Det kan gå ut over redaksjonelle årsverk, svekke produktet og ramme formidlinga av nynorsk som fleire av lokalavisene står for, seier Møre-Nytt-redaktøren.
