Heim Nyhende Slik blir studentar positive til nynorske bøker i barnehagen

Slik blir studentar positive til nynorske bøker i barnehagen

Studentar som har arbeidd med nynorske barnebøker i studietida, får meir positive haldningar til å bruka nynorsk barnelitteratur i barnehagen, går det fram av ny undersøking. 

 

I studiet på barnehagelærarutdanninga er det eit krav at studentane må innom nynorsk barnelitteratur. Etter å ha arbeidd med ei nynorsk biletbok og testa arbeidet på barn i barnehage, konkluderte studentane i undersøkinga med at det å bruka nynorsk barnelitteratur ikkje var så vanskeleg som dei hadde trudd.

– Fleire av studentane seier at dei kunne tenkja seg å halda fram å lesa biletbøker på nynorsk for barn i barnehagen, seier høgskulelektor Hilde Dybvik ved Høgskolen i Oslo og Akershus til Forskning.no.

Ho står bak undersøkinga om haldningane barnehagelærarstudentar har til nynorsk barnelitteratur og gler seg over funna.

Kvalitet på nynorsk

– Dersom studentane er meir positive til å lesa nynorsk barnelitteratur i barnehagen, vil dette gje dei fleire bøker å velja mellom, seier Hilde Dybvik, og peikar på at mange av dei nynorske barnebøkene er gode, prislønte barnebøker.

Sidan 2000, har Brageprisen for beste barnebok gått til åtte nynorske barnebøker.

– Positivt å møta nynorsk tidleg i livet

Studentane trekk også fram at nynorsk er ein viktig del av språkmangfaldet i Noreg. Synleggjering av fleire språk, inkludert det nynorske skriftspråket, vil kunne bidra til toleranse ved å auke aksepten for språkleg .

Hilde Dybvik ser det også som positivt at barna får møta nynorsk tidleg i livet.

Studentane i undersøkinga var likevel usikre på om nynorske barnebøker eignar seg for barn og vaksne med eit anna morsmål enn norsk.

– Samtidig trur dei fleste studentane at barna fekk like mykje ut av lesestunda som om boka hadde vore på bokmål, seier ho.

 

 

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– Éin nynorskmillion er ikkje nok

– Det er avgjerande at Teater Vestland får auka tilskot i ei krevjande tid, men Støre-regjeringa har samla sett ikkje levert godt nok for...

Jublar over nynorskstøtte

Nynorsk bedriftsforum er tildelt 950 000 kroner frå spelemidlane for 2025. Midlane er fordelte av Kultur- og likestillingsdepartementet og skal gå til vidare utvikling...

Trond (39) er tilsett i LNK – skal styrka nynorsk i skulen i Rogaland

Landssamanslutninga av nynorskkommunar har tilsett Trond Salte (39) for å få fart på prosjektet «Meir mål på Jæren». – Det er makelaust gildt! seier Trond...

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....