Heim Nyhende Slik skal dei unge lokkast heim

Slik skal dei unge lokkast heim

 Fleire arbeidsplassar i distrikta skal freista ungdom tilbake til bygda. 

– Når statlege verksemder vert plasserte i heile landet, kan fleire få spanande karrieremoglegheiter i det lokalmiljøet dei kjem frå, og dermed kunna flytta heim etter fullført høgare utdanning, uttaler Jan Tore Sanner, kommunal- og moderniseringsminister, i ei pressemelding.

Regjeringa har vedteke å flytta over 630 statlege arbeidsplassar ut av Oslo så langt i regjeringsperioden. Ifølgje Nynorsk pressekontor (NPK) vurderer nå Høgre, Frp og Venstre å flytta inntil 1.200 arbeidsplassar og omtrent 600 studieplassar ut av hovudstaden.

Målet er å skapa nye moglegheiter for folk og lokalsamfunn, og bidra til vekst og utvikling, både i byar og distrikta. Sterke kompetansemiljø skal byggjast i heile landet.

LES OGSÅ: Feil å tenkja at viss du forlèt byen, seinkar du ambisjonen

Sterke distrikt
– Med ny teknologi kan statlege verksemder drivast fleire stader, og samstundes vera tilgjengelege både for publikum og samarbeidspartnarar, seier Sanner.

Stortingsmeldinga om berekraftige byar og sterke distrikt vart presentert torsdag og fredag. I tillegg vart eit vedlegg lagt fram, med ein plan for lokalisering av statlege arbeidsplassar.

Språkrådet, Fredskorpset og Likestillings- og diskrimineringsombodet er blant dei verksemdene som skal vurderast lokalisert utanfor Oslo.

Justis- og beredskapsdepartementet skal også setja i gang ei utgreiing av å omlokalisera Politihøgskolens verksemd i Oslo.

Skeiv demografi
– Ei reell utfordring i ein del distriktskommunar er at det blir færre yrkesaktive bak kvar pensjonist, slik at ein får ein skeiv demografi. Ungdom som har reist ut for å studera flyttar ikkje tilbake. Det skaper over tid ei stor utfordring for distriktskommunar, forklarer Sanner i ei pressemelding.

Statsråden legg også til at han har stor forståing for at å arbeida i ei bedrift som skal gjennom ei omlokalisering er krevjande.

LES OGSÅ: Kvinnene rømmer frå distrikta

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...