I ein ny rapport om nedsett stemmerettsalder nasjonalt og internasjonalt går det fram at låg stemmerettsalder og mulegheit for politisk deltaking i ung alder kan slå positivt ut for valdeltakinga på lang sikt.
Det er forskarane Guro Ødegård frå Institutt for samfunnsforskning (ISF) og Jacob Aars ved Rokkansenteret har utarbeidd ein rapport om erfaringar med nedsett stemmerettsalder i andre land. I rapporten går det fram at 16- og 17-åringen truleg vil stemme i noko større grad enn ungdom i aldersgruppa over, men at dei vil røyste i noko mindre grad enn veljarane totalt sett gjer.
Forskarane reknar vidare med at 16- og 17-åringar blir meir politisk medvitne gjennom å få stemmerett, men at dette avheng av at dei har tilgang på informasjon og arenaer der politisk informasjon blir formidla og diskutert.
Det samla valresultatet vil truleg ikkje bli særleg påverka. Mellom anna syner erfaringar frå Tyskland og Austerrike at 16- og 17-åringane i stor grad fordeler stemmene mellom partia som dei andre veljarane, melder Kommunal- og regionaldepartementet på sine heimesider.
Her til lands skal 16 og 17-åringar i 20 kommunar og Longyearbyen få mulegheit til å stemme ved kommunevalet til hausten. Dette er eit forsøksprosjekt ved dette valet.
