Heim Nyhende Tiårsrekord i medlemstal for målungdommen

Tiårsrekord i medlemstal for målungdommen

Verving på stand og “målferd” er nøkkelen for Norsk målungdom, som ikkje har hatt så høge medlemstal sidan 2007.

– Det er veldig kjekt med så gode medlemstal. Me har fått 100 fleire medlem samanlikna med 2015, som også var eit godt år for oss, seier Kirsti Lunde, skrivar i Norsk målungdom.

I 2016 enda medlemstalet på 1484. Ein må tilbake til 2007 for å finna eit høgare medlemstal. Lunde er også svært nøgd med at 1063 av desse er under 26 år, og at fleire unge engasjerer seg i organisasjonen. 

Noko av forklaringa på suksessen i 2016 er måten Norsk målungdom jobbar med rekruttering og lokallagsaktiviteter. I tillegg har nynorskorganisasjonane fått litt draghjelp frå auka engasjement i store mediesaker, som Vestlandsdebatten og Trude Mostue sitt hatutbrot mot nynorsk.

LES OGSÅ: Fleire nynorskelevar i 2016

Inga hemmeleg oppskrift
Fleire nye ungdomsmållag har blitt skipa. Sist ut er eit lokallag i Nord-Rogaland, der ei «målferd» førte til skipinga av Haugesund målungdom.

– Eg ser mest fram til å spreia mykje nynorskglede i Haugesund, og å fremma viktigheita av nynorsk i kvardagen, seier Monica Tindeland, nyvald leiar i Haugesund.

Det er ikkje lenge sidan nynorskhataren Monica Tindeland vart nynorskelskar.

For å spreia bodskapen reiser Norsk målungdom rundt på det dei kallar målferd.

– Då har me føredrag, står på stand og held møte på kvelden, forklarer Lunde.

Ho tykkjer det er bra at det kjem målungdomslag i Haugesund. Mange har gått på nynorskskular før dei kjem til byen for å gå på vidaregåande. Spesielt for desse kan det å stå saman gi dei ei litt sterkare ryggrad, forklarer ho. 

Haugesund_maalungdom_1_Foto
Frå venstre: Magnhild Johannesen Botten, Marthe Herland, Birgitte Christiansen, Monica Tindeland (leiar) og Marta Regine Skår, styret i det nyskipa Haugesund målungdom. Foto: Skeisvang vidaregåande skule

Spør og får ja
– «Eg vart medlem fordi eg vart spurd», er det mange ungdommar som seier etter at me har hatt stand på ein vidaregåande skule. Mange treng å få det spørsmålet direkte før dei blir med i ein organisasjon, fortel Kirsti Lunde.

Målungdommen har hatt meir kapasitet til aktive vervekampanjar etter at dei fekk ei eiga prosjektstilling til blant anna dette føremålet.

Av lokallaga er det Firda på Sandane i Sogn og Fjordane som hadde størst vekst i 2016.

– Her verva dei over 70 nye medlem. Dei er heilt utrulege, bryt Lunde ut.

Haugesund_maalungdom_2_Foto
I eit klasserom på Skeisvang vidaregåande skule. Slik ser skipinga av eit nytt ungdomslag ut. Foto: Skeivang vidaregåande skule

Vestlandsregion og Trude Mostue
Det er fleire grunnar til at målungdommen gjer det skarpt i 2016. Mållaget kunne sjølv feira med rekordhøge medlemstal i 2016. Det høgaste medlemstalet organisasjonen har hatt på 25 år. Magne Aasbrenn sa i desember at diskusjonane om administrasjonsspråket på Vestlandet viste eit stort engasjement for nynorsk

– På Facebooksida vår har vi sett eit stort engasjement om både Vestlandsregionen og debatten Trude Mostue skapte, etter hatutbrotet hennar mot nynorsk, seier Lunde.

Ho er oppteken av å skapa ei språkleg bevisstgjering blant ungdom.

Haugesund_maalungdom_3_Foto
Hannah Kolås (t.v.) og Synnøve Marie Sætre frå Norsk målungdom, på målferd på Skeisvang vidaregåande skule i Haugesund. Foto: Skeisvang vidaregåande skule

Få også med deg: Kristine Leganger Iversen sitt svar til Trude Mostue og rasinga over den «helvetes nynorsken»

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Oslo kommune har to nynorskelevar i grunnskulen – får 11 millionar til språkdelte klassar på ungdomstrinnet

Mållaget er fortvila over at pengane til å sikra nynorskelevar i randsonene vert fordelt på alle kommunar. Saka vart først publisert på Framtida.no. Om foreldra til...