Heim Nyhende Tysvær snudde negativ nynorsktrend

Tysvær snudde negativ nynorsktrend

 

Elevane på nynorskskulane i Tysvær kommune valde vekk nynorsk. No har kommunen klart å snu trenden.

 

I 2016 ville ingen foreldre ved skulane Grinde og Tysværvåg i Tysvær kommune i Nord-Rogaland ha nynorsk for ungane sine. Rådmannen og skulesjefen ville endre til bokmål ved dei to nynorskskulane frå hausten 2017. Det gjekk ikkje politikarane med på, skriv Tysvær Bygdeblad.

Løysinga blei betre informasjon til foreldra om val av målform. For skuleåret 2016/2017 var det berre ni elevar som valde nynorsk på Førland, Grinde og Tysværvåg. 70 valde bokmål. For skuleåret 2017/2018 valde 18 elevar nynorsk og 38 bokmål.

Etter innskrivinga til skuleåret 2018/2019 har fleire valt nynorsk enn bokmål på dei tre skulane. 42 vil ha nynorsk og 26 bokmål. Sissel Hansen Tysse i Høgre synst det er positivt at talet jamnar seg ut.

– Hovudpoenget var å sjå om ein kunne bruke utfordringane til å styrkje både målform og ei jamnare fordeling av klassene. Nok og god informasjon er alltid ei utfordring. Det er derfor kjekt å sjå at eit så enkelt vedtak som å halde eit informasjonsmøte kan sørgje for å få gitt ut nok informasjon til foreldra, seier ho til avisa.

Tysvær har fem nynorskskular og tre bokmålsskular. Frå og med 8. trinn vel elevane sjølv skriftleg hovudmålform.

– Ein må legge til rette for balansert opplæring og kunne glede seg over liv, variasjon og mangfald. Mållaget ønskjer i større grad å få fram korleis nynorsk er forankra i dialektane våre. Mindre strid, meir språkglede, seier leiaren i Tysvær Mållag, Synnøve Bredal Bjelland, til avisa. (©NPK)

NYNORSK INSPIRASJON

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

Fem bibliotek kan bli nynorskfyrtårn

På landsmøtet i Noregs Mållag i helga lanserer direktør i Nynorsk kultursentrum Per Magnus Finnanger Sandsmark ei ny satsing på nynorskformidling i...

Tips til digital litteraturformidling på nynorsk

Kreativiteten i den digitale litteraturformidlinga blømer i desse koronatider! Utlånet av digitale bøker har auka dramatisk etter at biblioteka stengde. Her har me samla fleire tips...
Foto: Colourbox

Her finn du digitale skuleressursar på nynorsk

Her får du hjelp til å finna digitale ressursar på nynorsk til bruk i skulen. Stengde skular og digital heimeskule viser kor viktig det...

MEST LESE

Stortinget vedtok Språklova

Torsdag 25. mars vedtok Stortinget ei ny språklov for Noreg. Sjølv om Noregs Mållag har nokre punkt dei gjerne skulle sett var...

Ruset held fram som leiar i Kringkastingsringen

Inger Johanne Ruset (35) frå Valldal i Møre og Romsdal har teke attval som leiar i Kringkastingsringen. Sjølv om det første året...

Regjeringa viser vilje til meir nynorsk for barn

Nynorsk kultursentrum er glade for at Abid Q. Raja har lagt fram ei barne- og ungdomskulturmelding som peikar på eigne tiltak for...
Sentralkomiteen til Falturiltu: Hege Myklebust, Roald Kaldestad, Anna R. Folkestad, Jane Jünger og Trond Leirvik Onarheim. Foto: privat

Rekordstor tildeling til Falturiltu frå Kulturrådet

Den nynorske barne- og ungdomslitteraturfestivalen Falturiltu har nett fått tildelt 250.000 kroner frå Norsk kulturråd. Programrådet for Falturiltu skriv...