Bokmålsforbundet ber Fylkesmannen i Hordaland vurdere om skulemålsvalet i Askøy er gjennomført på lovleg vis.
Ved valet som vart halde i Askøy kommune hausten 2010 stemde 265 personar for å halde på nynorsken ved Træet skule og Fauskanger barne- og ungdomsskule, medan 189 stemde for bokmål som opplæringsspråk. Valdeltakinga var på 28 prosent.
No meiner Bokmålsforbundet det er ein reell sjanse for at bokmålsstemmene var i fleirtal ved Fauskanger barne- og ungdomsskole. Men sidan aller førehandsstemmene hamna i ei felles urne, får ein ikkje ut resultatet for kvar einskild skule. Førehandsstemmene utgjer omlag ti prosent av alle stemmene.
– Politikarane hadde sagt på førehand at dei ville følgje folkeviljen i saken, seier leiar Arne Waage i Bokmålsforbundet til Askøyværingen.
No bed Bokmålsforbundet Fylkesmannen om å vurdere kor lovleg vedtaket politikarane fatta er. Viss vedtaket blir underkjent, ser forbundet for seg eit nytt val i samband med kommunevalet til hausten.
