Stoltenberg spår fleire i arbeid
Stoltenberg spår fleire i arbeid
Publisert: 12.03.2012 07:20
(NPK-NTB): Mens Europa slit med høg arbeidsløyse, kan nesten 70.000 fleire få seg arbeid i Noreg dei neste to åra, lover statsminister Jens Stoltenberg (Ap).
– Sysselsetjingsveksten, slik han no ser ut for 2012 og 2013, kan komme opp mot 70.000 personar, seier Jens Stoltenberg til Dagens Næringsliv.
Dermed ligg det an til få ledige og solid vekst i sysselsetjinga i Noreg.
– Veksten kjem både i privat og i offentleg sektor, og sysselsetjinga blir den høgste vi nokon gong har hatt, seier Stoltenberg.
Han legg til at arbeidsstyrken kjem til å vekse i takt med sysselsetjinga, slik at talet på ledige venteleg blir meir stabilt.
I dag er arbeidsløysa i Noreg på 3,3 prosent, slik ho blir målt i arbeidskraftundersøkinga. (©NPK)
npk@npk.no
Mens Europa slit med høg arbeidsløyse, kan nesten 70.000 fleire få seg arbeid i Noreg dei neste to åra, lover statsminister Jens Stoltenberg (Ap).
Nynorsk song på Torsdag kveld fra Nydalen
{youtube}ETwAh-Zqc_k{/youtube}
Her kan du sjå Herborg Kråkevik, Sigrid Bonde Tusvik, Liv Signe Navarsete, Bård Vegard Solhjell og Odd Nordstoga synge nynorskens pris i programmet Torsdag kveld fra Nydalen.
– Må ikkje redusere sidemålet
Språkrådet meiner god sidemålsopplæring må til for å motverke at elevar byter frå nynorsk til bokmål.
Kraftfond inn i LNK
Konsesjonskraftfondet for Aust-Agder (KAA) melder seg no inn i LNK. – Me ynskjer å vere med i ein organisasjon som har fokus på å utvikle ein god skriftleg nynorsk, seier dagleg leiar, Arne Tronsen.
Nettstad om nordiske forfattarkvinner
Nettstad om nordiske forfattarkvinner
(NPK-NTB): Kvinnelege nordiske forfattarar har fått sin eigen nettstad.
Nettstaden vil gi tilgang til meir enn tusen år med litteraturhistorie, alt ført i pennen av nordiske kvinner.
Djupnemateriale om ikoniske forfattarar som Karen Blixen, Selma Lagerlöf og Sigrid Undset vil bli tilgjengeleg gratis, heiter det i pressemeldinga frå den danske Kulturstyrelsen.
Meir enn 800 forfattarar vil vere representerte, og brukarane av portalen skal kunne søkje både på namn, artiklar og tema frå psykoanalyse til sjølvmord.
Nordicwomensliterature.net er digitalversjonen av 1990-talsboka «History of Nordic Women’s Literature», som var den første i sitt slag.
– Vi vil nå eit mykje breiare publikum. Dette gjer unik kunnskap tilgjengeleg, og viser det viktige bidraget til litteraturen frå kvinnelege forfattarar, seier Elisabeth Møller Jensen. Ho var redaktør for bokversjonen og er no sjef for det danske kunnskapssenteret Kvinfo, som er om kjønn, likestilling og etnisitet. (©NPK)
Kvinnelege nordiske forfattarar har fått sin eigen nettstad.
1700 nye medlemmer i Noregs Mållag
Noregs Mållag har opplevd ei veldig oppslutning etter at kunnskapsminister Kristin Halvorsen i januar gjekk ut og opna for å svekkja sidemålsordninga. Sidan nyttår har det kome til godt over 1700 nye medlemer, heiter det i ei pressmelding.
Framleis plass på Diktarvegkonferansen
Det er framleis høve til å melde seg på Fjordvegen Diktarvegen sin Diktarvegkonferanse på Hotel Ullensvang i Lofthus i Hardanger 20. – 22. mars.
Kildahl ny dagleg leiar ved Hauge-senteret
Kjersti Kildahl (52) frå Bergen er tilsett som dagleg leiar ved Olav H. Hauge-senteret i Ulvik. Ho tek til i stillinga 1. juni.
Har vurdert e-valet
Det vart avlagt 27.554 godkjente elektroniske stemmer under kommunevalet i 2011, og e-valet vart gjennomførd på ein open og inkluderande måte, heiter det i ein fersk rapport frå OSSE.
Fleire unge innvandrarar stemmer
43 prosent av norske statsborgarar som er innvandrarar eller norskføde med innvandrarforeldre stemte ved lokalvalet i fjor. Valdeltakinga blant dei yngste er aukande.