Det er flest EU-motstandarar blant stortingskandidatane ved valet til hausten. Det viser ei ny undersøking.

Meiningsmålinga som analysebyrået Perduco har utført, viser at 48 prosent av stortingskandidatane seier nei til EU, medan 42 prosent seier ja, skriv Avisenes Nyhetsbyrå (ANB).

Heile 95 prosent av Høgres kandidatar er for EU-medlemskap, medan Ap har 52 prosent ja-folk. Venstre er, kanskje ikkje overraskande historisk sett, delt på midten, med 46 prosent for og 43 prosent mot EU.

Senterpartiet har berre EU-motstandarar på listene, medan Framstegspartiet kan skilte med knapp nei-overvekt. (©NPK)

Av LNK NYTT 20.mai.2009

Det er flest EU-motstandarar blant stortingskandidatane ved valet til hausten. Det viser ei ny undersøking.

Meiningsmålinga som analysebyrået Perduco har utført, viser at 48 prosent av stortingskandidatane seier nei til EU, medan 42 prosent seier ja, skriv Avisenes Nyhetsbyrå (ANB).

Heile 95 prosent av Høgres kandidatar er for EU-medlemskap, medan Ap har 52 prosent ja-folk. Venstre er, kanskje ikkje overraskande historisk sett, delt på midten, med 46 prosent for og 43 prosent mot EU.

Senterpartiet har berre EU-motstandarar på listene, medan Framstegspartiet kan skilte med knapp nei-overvekt. (©NPK)

Ferjene langs kysten skal ta i bruk biodiesel. Eit prøveprosjekt skal setjast i gang i Møre og Romsdal, men førebels er ikkje ferjesambandet bestemt.

Langs kysten er det no ei rekke prosjekt, der ferjeflåten tek i bruk gass som drivstoff. No er det altså eit pilotprosjekt med biodiesel som skal setjast i gang.

– Vi kan ikkje halde fram å bruke fossilt drivstoff i all framtid. Det er ikkje fornybart og det skadar miljøet. Så det er viktig å forske på alternativt drivstoff, og eg håpar at prøveprosjektet i Møre og Romsdal kan komme miljøet til gode, seier stortingsrepresentant Jenny Klinge (Sp) til NRK.

Ho er spent på kva for svar dette prøveprosjektet vil gi. For det er fleire utfordringar og moglege skjær i sjøen.

– Vassinnhaldet i biodiesel er høgare enn i vanleg diesel. Det kan vere ei potensiell utfordring. Det kan også oppstå problem med slangar og pakningar i ferjemotorane. Det kan bli spennande å sjå kva for problem som kan oppstå, og kva for løysingar som finst på dei problema, seier Klinge. (©NPK)

Frå i år av er LNK og Skrivekunstakademiet offisielle samarbeidspartnarar for Aurland kommune sitt litteraturprosjekt Littkrit.

Gjennom Littkrit får ungdommar mellom 16 og 19 delta i ulike aktivitetar knytte til litteartur og skrivekunst. I år skal Littkrit ha skrivekurs i juli, og 10 ungdommar kan få delta på kurset.

Skrivekurset finn stad i Aurland, og alle som ønskjer å vere med må søke innan 2. juni. Samstundes med dette tilbodet for ungdommen skal Skirvekunstakademiet ha eit skrivekurs for vaksne. Dei tre beste tekstane frå desse to kursa blir presenterte på Nynorsk Litteraturdagar i Aurland i månadsskiftet oktober-november.

Littekrit starta opp i Aurland i 2006 og har vore eit attraktivt tilbod til ungdom hovudsakleg frå Sogn og Fjordane. Tidlegare år har ungdommane til dømes hatt som sommarjobb å lese og melde bøker. Prosjektet har sin eigen nettstad kor omtalane av bøkene er presenterte.

Meir om Littkrit: Jobben er å lese bøker (ABC Nyheter)
Meir om Nynorske Litteraturdagar: Litteraturdagar i utvikling

Framsidefoto: Aurland kommune

Korleis skal Diktarvegen drivast vidare organisatorisk og økonomisk? Ei prosjektskisse som definerer desse og andre utfordringar for prosjektet er venta å vere klar til presentasjon på landstinget til LNK neste veke.

Styreleiar i Diktarvegen, Arne Kleppa, seier til avisa Nashornet at at ein då håpar å ha eit grunnlag for å ta stilling til om prosjektet skal vidareførast eller ikkje.

– Viktige samarbeidspartar er diktarsentra, destinasjonsselskapet IS Fjordvegen, Nasjonal turistveg, og sjølvsagt kommunar og fylkeskommunar, seier han.

Meir om landstinget:
Programmet

Landstinget – aktuelle saker:
• Vurderer omdømmeskule
• Deler ut målpris
• Arbeidsinnvandringa aukar
• Seier nei til freding av veg
• Må finne det unike
• Dahle innstilt som leiar
• Språkpris i mai
• Bygdelivsmeklar skal snu vinden
• Verneområde med to sider
• Auka arbeidsinnvandring gir utfordringar
• Kommunar må våge å vere annleis

LNK-avisa 2 med landstinget som tema – les avisa her!

Eit dårleg omdømme kan koste ein kommune dyrt i forhold til tap av innbyggjarar, seier omdømmeekspert Yngve Carlsson.

Distriktskommunar med dårleg omdømme vil få problem med å stoppe utflytting og å skape vekst i forhold til kommunar med eit bra rykte, fortel Carlsson til KRD sin eigen omdømmeportal Ry.

Carlsson er seinorforskar hjå Kommunenes sentralforbund og har forska på byar og bygder som har fått eit dårleg omdømme, anten lokalt eller nasjonalt.

Forskinga viser at eit dårleg omdømme mellom anna kan kome som eit resultat av omtalt krimminalitet, gjerne kopla til kultur eller eit lokalsamfunn som vert omtala som trist og stygt.

– Då tek lokalsamfunnet steget vekk frå å vere kulissar for kriminaliteten. I staden vert det ein del av forklaringa bak det negative som skjer der, seier Carlsson. Det kan ta langt tid for ein kommune å få snudd eit dårleg omdømme.

Men håp er det for alle, seier eksperten, og viser til korleis både Bjugn og Drammen har greidd å skaffe seg ry som høvesvis Årets barne- og ungdomskommune og ein av dei store vekstkommunane i landet.

Les heile saka hjå Ry.

Omdømmebygging er eit tema på landstinget til LNK i Loen 27. – 29. mai.

Av LNK NYTT 18.mai.2009

Eit dårleg omdømme kan koste ein kommune dyrt i forhold til tap av innbyggjarar, seier omdømmeekspert Yngve Carlsson.

Distriktskommunar med dårleg omdømme vil få problem med å stoppe utflytting og å skape vekst i forhold til kommunar med eit bra rykte, fortel Carlsson til KRD sin eigen omdømmeportal Ry.

Carlsson er seinorforskar hjå Kommunenes sentralforbund og har forska på byar og bygder som har fått eit dårleg omdømme, anten lokalt eller nasjonalt.

Forskinga viser at eit dårleg omdømme mellom anna kan kome som eit resultat av omtalt krimminalitet, gjerne kopla til kultur eller eit lokalsamfunn som vert omtala som trist og stygt.

– Då tek lokalsamfunnet steget vekk frå å vere kulissar for kriminaliteten. I staden vert det ein del av forklaringa bak det negative som skjer der, seier Carlsson. Det kan ta langt tid for ein kommune å få snudd eit dårleg omdømme.

Men håp er det for alle, seier eksperten, og viser til korleis både Bjugn og Drammen har greidd å skaffe seg ry som høvesvis Årets barne- og ungdomskommune og ein av dei store vekstkommunane i landet.

Les heile saka hjå Ry.

Omdømmebygging er eit tema på landstinget til LNK i Loen 27. – 29. mai.

Regjeringa vil gi kommunane mellom 3,5 og 4 milliardar kroner meir neste år, skriv Kommunal Rapport.

Etter det Kommunal Rapport kjenner til går denne auka overføringa fram av kommuneproposisjonen som statsminister Jens Stoltenberg (Ap) og kommunalminister Magnhild Meltveit Kleppa (Sp) legg fram torsdag. Kommunane får også 1,3 milliarder kroner ekstra i revidert nasjonalbudsjett som vert lagt fram torsdag, melder NRK.

117 ordførarar organiserer seg no for å kjempe mot tvangssamanslåing av norske kommunar.

– Vi er ikkje ein «nei-tvil-alt-organisasjon», men vi meiner det er eit sterkt behov for ein balanse i diskusjonen om kommunestruktur, seier éin av initiativtakerne, Åmot-ordførar Ole Gustav Narud (Sp), til Nationen.

Saman med fleire andre har han arbeidd ei tid for å danne organisasjonen «Lokalsamfunnsforeningen – for lokaldemokrati og desentralisering». Narud meiner altfor mange er ukritiske til strukturendringar og kommunesamanslåingar.

– Men ei kommunesamanslåing vil openbert føre til sentralisering eller nedlegging av kommunar, seier Narud.

Blant dei 117 ordførarane som har meldt seg inn i foreininga, er alle dei store partia representerte. Arbeidarpartiet og Senterpartiet, som er to store ordførarparti, har flest innmelde, 40 ordførarar frå Ap og 38 frå Sp.

15 ordførarar frå Høgre har skrive under, 4 frå både SV og KrF, medan Frp og Venstre har 3 ordførarar som har skrive under. Kystpartiet og Raudt er representert med ein ordførar kvar. (NPK)

Kommuneproposisjonen for 2010 som vart lagt fram i dag, fredag, gir blant anna ei auke på fire milliardar i frie inntekter til kommunane.

Regjeringa legg opp til ei auke i kommunesektoren sine frie inntekter på 6,5 milliarder kroner i forhold til det  opphavlege budsjettet for 2009, skriv Kommunal Rapport.

Kommunane fiekk 1,2 milliard kroner av dette beløpet i samband med tiltakspakka tidlegare i år. No får kommunane i tillegg 1 milliard kroner i revidert nasjonalbudsjett for 2009, og skatteanslaget vert justert opp med 300 millionar kroner. Til saman vert det 2,5 milliardar kroner som vil bli vidareført neste år. I tillegg får kommunane ytterlegare 4 milliardar kroner i frie inntekter frå neste år.

– Me er ikkje i mål ennå. Me er stolte over innsatsen vår, men me er ikkje nøgde. Me ønskjer å styre i fire nye år, og me vil bruke pengar på eldreomsorg og skuler i stadan for å lokke med skattelette, seier statsminister Jens Stoltenberg til Kommunal Rapport.

Les meir om kommuneproposisjonen her.

Nynorskpraktikantane er klare

Av LNK NYTT 14.mai.2009

No er dei nye praktikantane ved Nynorsk Mediesenter klare. 19 – åringen Simon F. Solheim frå Florø er tidenes yngste.

I slutten av august tek desse til på det seks månader lange, intensive kurset i journalistikk og språk: Aleksander Vallestad frå Stord, Bjørn Ivar Austevik Voll frå Nedstrand, Mathias Oppedal frå Nærbø, Sara Myren Kornberg frå Folkestad og Simon Frammarsvik Solheim frå Florø, skriv Firdaposten.

Sjølv om søkartalet til utdanninga er lågare enn tidlegare er Magni Øvrebotten optimist.

– Vi er vane med at søkjartalet svingar. Det har det gjort i alle dei fem åra vi har drive på. At søkjartalet gjekk ned no er naturleg på grunn av all merksemda det har vore kring nedskjeringane i media. Men trass i tilsettingsstoppen i NRK vert nynorskpraktikantane rekna for interne søkjarar når dei er ferdige med seks månaders opplæring/praksis, seier ho til Firdaposten.

Blant dei nye praktikantane er også tidenes yngste ; 19 – åringen Simon F. Solheim frå Florø.

– Frå mitt tidlegare liv som redaktør veit eg at det stundom dukkar opp purunge folk som berre veit at dei skal bli journalistar og røynsla mi er at dei ofte vert gode. Det er kjekt å gje slike ivrige ungdomar ein sjanse, seier Øvrebotten.

Omlag 10 000 elevar i grunnskulen og den vidaregåande skulen skal ha digital eksamen i år. Det betyr eksamen heilt utan bruk av papir.

Utdanningsdirektoratet har enno ikkje eksakte tal på kor mange elevar som skal ha digital eksamen i vår, melder digi.no. Direktoratet reknar likevel med ei dobling på talet elevar sidan i fjor, då 5 000 elevar i grunnskulen og vidaregåande gjennomførte papirlaus eksamen.

Bestemmer sjølve
Det er kvar einskild skule som bestemmer om elevane skal ha digital eksamen eller ikkje, og dei endelege tala for kor mange elevar som har hatt denne typen eksamen er derfor ikkje klare før all eksamen er unnagjort og skulane har rapportert til direktoratet.

Fire prosent
Trass i den forventa doblinga i talet på elevar som får digital eksamen, er det langt at før Kunnskapsløftet når sitt mål om ein operativ digital skule. Ifølgje tal frå digi.no er det berre fire prosent av dei omlag 250 000 elevane i grunnskulen og vidaregåande skule som skal ha digital eksamen i år.

Godt nøgde
Åsnes ungdomsskole i Hedmark gjennomfører i desse dagar digital eksamen for andre år på rad. Både elevar og tilsette ved skulen er svært nøgde med ordninga. Faglærar Remi Eriksen seier til avisa Glåmdalen at erfaringane etter prøveåret i fjor var så gode at skulen ikkje nølte med å gjenta dette i år.

Elevane får eit passord som dei loggar seg på med klokka ni, og så får dei tilgang til oppgåva på PC-en, forklarar Eriksen. Når eksamenstida er ute, blir oppgåvene umiddelbart sendt til sensor. På førehand har elevane fått teste ut opplegget, slik at det ikkje er nytt for dei på eksamensdagen.

Juksar ikkje
Det blir heller ikkje meire juks når ein jobbar på denne måten, meiner læraren.

– Elevane har ikkje tilgang til noko anna enn oppgåva og dei hjelpemidla dei har lov til å bruke. Det er ikkje nettilgang på eksamen og dei har heller ikkje høve til å kommunisere med andre.

Det kan blir oppseiingar ved Det Norske Teatret, etter at styret måndag vedtok at dei årlege personalkostnadene skal ned med 8 millionar kroner.
«Styret innser at redusering av bemanninga kan vera eit naudsynt verkemiddel for å nå styret sitt mål», heiter det i styrevedtaket.

Styret har også vedteke å kutta ordinære eigenproduksjonar på prøvesalen til teateret.

Det Norske Teatret gjekk med 6,2 millionar kroner i underskot i fjor. Underskotet kom av auka kostnader spesielt knytte til auka lønskostnader. Inntektene har auka kraftig sidan 2002, går det fram av ei pressemelding teatret sende ut då resultatet for 2008 blei lagt fram.

Av denne pressemeldinga går det også fram at teatret står framfor store økonomiske utfordringar knytte til vedlikehald og investeringar. (©NPK)

Andre saker om Det Norske Teatret:

• 50-års krig for meir nynorsk i NRK
• Nynorsk-kampanje avsluttar laurdag
• Morrisey høyrer heime i Odda!
• Nye dramatikarar i Løland si ånd
• Fokus vekk frå nynorsk
• Heidrar jubilant
• Seks millionar til nynorsken
• Bra budsjett for nynorsken
• Dialektprisen til Ingrid Bolsø Berdal
• Ber kongehuset snakke nynorsk
• 10 millionar meir til nynorsk
• Vil ha senter for Jon Fosse

Stortingsrepresentant Britt Hildeng (Ap) meiner det er avgjerande at Stortinget no har vedteke at ein skal ha ein ny og allmenn språklov, der styresmaktene skal ha eit overordna ansvar for språkutviklinga i samfunnet.

“Erkjennelsen av at språk og språkutvikling er avgjørende for den enkeltes identitet og kulturtilhørighet, og av at språk og makt henger sammen ligger til grunn for at Stortinget nå tar dette overordnede ansvaret. Det er viktig å ha en språkpolitikk som bidrar til demokratisk makt over språket, og en strategi for omfordeling av den språklige makten.”, skriv ho i eit lesarbrev i Vesterålen Online.

Blant anna meiner ho dette er er viktig for å gjere nynorsk meir reelt jamstilt med bokmål.