Kommunestyret i Nord-Aurdal kommune har bestemt at den nye Nord-Aurdal barneskole skal ha bokmål som hovudmål.
Nord-Aurdal vedtok bokmål som hovudmål med 19 mot 4 stemmer. Den nye storskulen opnar til hausten med 430 elevar, og den er ei samanslåing av nynorskskulen Leira og bokmålsskulane Aurdal og Fagernes.
– Dei elevane som kjem frå Leira skule vil få halde fram med nynorsk som hovudmål i 5. til og med 7. trinn, seier ordførar Inger Torun Klosbøle (Ap) til LNK.no. – For elevane frå 1. til 4. klasse blir det nynorskgrupper der ti elevar eller fleire ber om det, seier ho og peiker på at det no er opp til foreldra å velje målform for barnet sitt.
I forkant av handsaminga i kommunestyret vart det halde ei rådgjevande folkerøysting 10 prosent av dei som hadde stemmerett stemte, og av desse stemte 35,90 prosent for nynorsk og 63,74 prosent for bokmål. Det vart også gjort ei kartlegging kor elevane kunne seie kva målform dei ønskte, og der valde 47 nynorsk og 367bokmål.
