Fleire internasjonale studier har påvist at det er bra å vere tospråkleg, meiner forskarar ved NTNU.
Dei meiner born som er tospråklege ofte er flinke til å vere merksame, har ein betre utvøande funksjon, fordeler ved symolske operasjonar, er meir kreative og har betre talepersepsjon.
– I ein studie har me påvist at aktiv bruk av nynorsk, som er ein samansett verdi av nynorsk skriving og nynorsk lesing, fører til raskere ordprosessering. Me meiner at deltakarane som scorer ein høy verdi på dette kriteriet, er dei som ein kan definere som dei «ekte tospråklege», som har lik kompetanse i begge målformene. Slike deltakarar har eit klårt forsprang på andre når det gjeld språkprosessering, skriv Mila Vulchanova, Terje Lohndal og Tor Anders Åfarli i Aftenposten.
– I ein masterstudie ved NTNU har vi også samanlikna ei gruppe som er oppvaksne med fleire dialektar med ei gruppe tospråklege med ulik morsmålsbakgrunn når det gjeld prestasjon på områda talepersepsjon og tekstforståing. Her ser me veldig få forskjellar mellom dei to gruppene.
