Heim Nyhende Eit bibliotek med telt og syklar

Eit bibliotek med telt og syklar

Over heile landet finst det sportsutstyr som barn og unge kan låne heilt gratis. Men det er det svært få som veit om.

 

– Dei mange utlånsordningane for sportsutstyr er dessverre blant dei best bevarte hemmelegheitene i Noreg, slår Eline Egeland fast, dagleg leiar i organisasjonen BUA.

LES OGSÅ: Historisk verdsmeister

Den frivillige organisasjonen vart starta for eit drygt år sidan. Målet er å få fleire barn og unge i fysisk aktivitet og å gi alle barn moglegheit til å teste ulike sportar – uavhengig av lommeboka til foreldra.

Dei meiner utlånsordningane kan spele ein nøkkelrolle, dersom dei blir betre kjent og betre koordinert.

Ubrukt
I dag finst det mellom 200 og 300 ulike utlånsordningar av sportsutstyr rundt omkring i landet. Typisk er det kommunar, idrettslag, friluftsråd eller andre ideelle organisasjonar som står bak.

– Det er ofte delt ut godt med midlar til innkjøp av utstyr, men nesten ingen ting til drift eller marknadsføring. Dermed veit få om det, opningstidene er svært avgrensa, og utstyret blir liggjande ubrukt mykje av tida, fortel Egeland.

LES OGSÅ: Den nye folkesporten

No vil BUA prøve å samle alle utlånsordningane i ein felles portal, slik at det skal bli lett å få oversikt over kva slags utstyr som finst kvar.

– Det er også eit miljøperspektiv i dette. Vi treng ikkje alle vårt eige telt, som blir brukt kanskje to dagar i året og som ligg i boden resten av tida, påpeiker Egeland.

Felles verktøy
Utlånarane som blir med, får blant anna tilgang til eit dataverktøy som forenklar administrasjon av utlån, marknadsføringsverktøy og tilgang til eit nettverk av utlånsordningar for deling av tips, materiale og erfaringar.

«Sportsbiblioteket» er det siste året prøvd ut i samarbeid med elleve ulike utlånsordningar. No går startskotet for arbeidet med å samle alle.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...