Også i år skal klarspråkprisen delast ut til eit statleg føretak som er flinke til å bruke eit godt og brukarvennleg språk.
Fornyingsminister Rigmor Aasrud vil dele ut klarspråksprisen på Klarspråkskonferansen 7. mars. Fristen for å kome med forslag til kandidatar er 1. november.
For å vinne prisen må ein produsere klar og lett forståeleg informasjon til publikum i form av blant anna brev, nettekstar og skjema. Ein må også ha gjort eit systematisk og dokumentert arbeid for å få godt språk, både på nynorsk og bokmål. Det er også viktig at store deler av føretaket blir involvert i prosessen og at ein gjerne inspirerer andre statsorgan til fleire språktiltak.
Prisen vart for første gong delt ut i 2009, dei tidlegare vinnarane er Lånekassen, Utlendingsdirektoratet (UDI) og Statens pensjonskasse (SPK).
Bak prisen står prosjektet «Klart språk i staten», eit samarbeid mellom Direktoratet for forvaltning og IKT (Difi) og Språkrådet. Fornyings-, administrasjons- og kyrkjedepartementet (FAD) er prosjektansvarleg.
