Heim Nyhende Festleg program for Festspela

Festleg program for Festspela

I dag vart programmet til Dei nynorske festspela 25.-28. juni offentleggjort.

 

– På Festspela kan du oppleve førti arrangement på fire dagar med noko for ein kvar smak, seier programansvarleg Åshild Widerøe i ei pressemelding frå Aasen-tunet.

I dag opna billettsalet samstundes med at heile programmet til Dei Nynorske Festspela 2015 vart offentleggjort.

LES OGSÅ: Saxegaard vert festspelutstillar

Festleg felespel
I tillegg til det folkekjære trønderbandet D.D.E kan publikum nyte tonar frå dei spelemannsvinnande folkemusikarane i Majorstuen. Ensemblet består av fem felemusikarar frå heile landet som i femten år har leika seg med folkemusikken, til begeistring for både publikum og kritikarar.

Fredagen framfører dei «Kvitre», eit tingingsverk som vart laga til Førde internasjonale musikkfestival i 2013.

Andre innslag er folkemusikar Kirsten Bråten Berg og jazzist Arild Andersen, som vert gjesta av Lars Bremnes på utescena .

LES OGSÅ: D.D.E på Dei nynorske festspela

Forfattarfest
Det er allereie kjent at festspeldiktar Gunnhild Øyehaug får selskap av forfattarar som Kristina Leganger Iversen, Bjørn Sortland, Lars Amund Vaage og Brit Bildøen.

Årets festspeldiktar har i år teke steget til skjermen med filmen «Kvinner i for store herreskjorter», som er basert på debutromanen «Vente, blinke». Prosessen frå bok til film vert tema for samtale med Olaug Nilssen, som skreiv romanen «Få meg på, for faen», som vart filmatisert med stor suksess i 2011.

Odd Goksøyr møter Øyehaug for å snakka om gjendikting, medan utanforskap vert tema i samtale med Marit Kaldhol.

For dei minste borna freistar festivalen med Bjørn Sortland og høgtlesing av Ingunn Røyset for dei litt eldre.

LES OGSÅ: Med spelefilm og bok om brotne draumar

Innlands-Ivar
Tradisjonen tru vert det utdeling av prisen årets nynorskbrukar, som i år er kunsthistorikar Jorunn Veiteberg. 

Forskar og kulturhistorikar Jostein Fet kjem til Festspela med eit nytt stort verk om den gløymde litteraturen og den svenske språkforskaren Tore Janson held føredrag om korleis språka utvikla seg i Europa på Ivar Aasen si tid.

– Som det einaste språkmuseet i Norden, er det viktig for oss å få inn impulsar også frå andre land når vi feirar den nynorske skriftkulturen. Ivar Aasen reiste aldri ut av landet, men han var ein høgt respektert språkforskar også langt utanfor landegrensene, seier dagleg leiar i Ivar Aasen-tunet, Gaute Øvereng i pressemeldinga.

Fosse-avslutning
Sist men ikkje minst skal det framførast dikt av Jon Fosse under Aasen-stemnet søndag. Skodespelar Anne Marit Jacobsen har med seg songaren Ruth Wilhelmine Meyer og pianisten Helge Lien i poesikonserten «Stein til stein».


Helge Lien, Anne Marit Jacobsen og Ruth Wilhelmine Meyer gjev liv til Jon Fosse sine dikt. Foto: Ina Strøm

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...