Heim Nyhende Like uavklart om språksamlingane

Like uavklart om språksamlingane

Kunnskapsdepartementet held døra open for begge dei to aktuelle løysingane når Universitetet i Oslo (UiO) gir frå seg ansvaret for dei nasjonale språksamlingane.

 

Det står mellom Nasjonalbiblioteket og Universitetet i Bergen saman med Høgskulen i Volda. Departementet kjem uansett ikkje til å avgjere noko om det utan å involvere dei aktuelle fagmiljøa, lover statssekretær Bjørn Haugstad (H) i Kunnskapsdepartementet.

– Vi kjem ikkje til å ta noka avgjerd om dette i Kultur- eller Kunnskapsdepartementet utan å involvere dei som er seriøse interessentar til å forvalte språksamlingane vidare, seier Haugstad.

Les Ottar Grepstad sitt oppgjer med Blindern-skandalen

Møtte UiB
Måndag møtte han representantar frå Universitetet i Bergen, som gjerne vil overta språksamlingane så sant det følgjer pengar med til drifta. Samarbeidspartnaren Høgskulen i Volda var også med på møtet.

– Eg oppfattar at det er to aktuelle kandidatar per no, og det er Nasjonalbiblioteket og dei to som var på besøk i dag, seier Haugstad.

Det er UiO sjølv som har foreslått å flytte samlingane til Nasjonalbiblioteket. Ordbokgruppa med Nynorsk kultursentrum i spissen har derimot meint at det beste er å overlate samlingane til Universitetet i Bergen, eventuelt i eit samarbeid med Høgskulen i Volda, som da får ansvaret for Norsk Ordbok. Orbokgruppa er ei samanslutning av dei språkfaglege miljøa ved universiteta i Bergen, Stavanger, Kristiansand, Trondheim og Tromsø, Høgskulen i Volda og Det Norske Samlaget og Nynorsk kultursentrum.

Må ta tid
Haugstad vedgår at saka hadde vore tent med ei avklaring, men vil ikkje gå for raskt fram heller.

– Vi tar sikte på å finne ei løysing på dette i fornuftig tid, men eg trur det er viktigare at vi finn den rette løysinga enn at vi forhastar oss, seier statssekretæren. (©NPK)

LES OGSÅ: Noregs Mållag krev trygg hamn for språksamlingane

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...