Tjuefem studentar møttest i Otta i Sel kommune denne veka til den andre av tre samlingar, i eit studium som skal brøyte veg for folkehelsearbeidet i kommunene.
– Studiet handlar overordna om at seks kommuner i Nord-Gudbrandsdalen prøver å få til eit samarbeid om korleis dei skal jobbe med folkehelse, forklarde forelesar Eyvin Bjørnstad til lokalavisa Vigga, avbrote midt i ei forelesning om den nye folkehelselova, som allereie i morgon blir lagt fram for kongen i Statsråd.
Den nye folkehelselova og ny plan- og bygningslov har som grunnprinsipp at folkehelsearbeidet skal implementerast i alle sektorar, og difor er studentkullet også samansett av folk frå helsesektoren og skule, men også frå teknisk, på politisk plan, kultur, skule og barnehage. Studiet heiter vidareutdanning i plan- og folkehelsearbeid, og er på 7,5 studiepoeng. Målgruppa er i følgje skriv frå Oppland Fylkeskommune politikarar, leiarar og medarbeidarar i kommunane som vil bli ansvarlege for folkehelsearbeid på tvers av sektorane framover.
