Heim Nyhende For første gong på 19 år har avisene samla opplagsvekst

For første gong på 19 år har avisene samla opplagsvekst

105 norske mediehus hadde opplagsframgang i 2017, viser ferske tal frå MBL. For første gong les fleire på mobil enn på papir.

– 2017 vart eit historisk år. Opplaget for avisene til mediehusa har vore fallande sidan 1997, men no – etter 19 år med nedgang – har 46 prosent av titlane vekst i opplaget, fastslår administrerande direktør Randi S. Øgrey i MBL.

Den positive utviklinga kjem først og fremst av at auken i digitalt opplag er større enn nedgangen i opplaget på papirutgåver.

Totalopplaget for aviser tilslutta MBL og LLA auka med 0,7 prosent frå 2016 til 2017. 46 prosent av avisene kunne notere oppslagsvekst i 2017, noko som er ein høgare del enn året før.

Digitalt størst

Det er første gong at det reine digitalopplaget er større enn delen papirabonnement.

Det reine papiropplaget utgjer no 18 prosent, det betyr at papiropplaget gjekk ned med 6,4 prosent. Digitalopplaget auka i fjor med 8,7 prosent.

Totalopplaget for norske aviser er cirka to millionar eksemplar. Av dei 105 avisene med opplagsframgang er det Aftenposten som aukar mest i talet på eksemplar. Også mange lokalaviser kan vise til opplagsframgang, deriblant Bergensavisen.

Lokalaviser står sterkt

Dei over 100 lokalavisene knytt til LLA har eit samla nettoopplag på nesten 330.000 eksemplar.

– Lokalavisene står framleis svært sterkt blant folk i Noreg. Lokalavisene tar samfunnsansvar og er lim og lupe i lokalsamfunnet, fastslår generalsekretær Rune Hetland i LLA.

Gledeleg utvikling

Styreleiaren i MBL, Tove Nedreberg, seier at opplagsveksten er svært gledeleg.

– Men vi er framleis i ein tøff periode, og kampen om finansiering av journalistikken er ikkje over. Vi skal fortsette å utvikle oss og skape relasjon til lesarane. Vi må kjempe for kvar ei krone, seier Nedreberg.

– Vi skal også framleis jobbe for så gode rammevilkår for bransjen som mogleg, seier Nedreberg.

Auka annonseinntekter

Annonsemarknaden aukar også, viser den ferske oversikta. Prognosane viser at annonsemarknaden vil passere 20 milliardar kroner i år.

– Det er ein positiv trend i marknaden, vart det understreka på MBLs pressekonferanse onsdag.

Den største kategorien er dei digitale annonseinvesteringane. Digitale annonseinvesteringar vil ta nærmare 50 prosent i 2018, ifølgje prognosane.

Utsiktene for medieinvesteringar blir sagt å vere gode trass i at marknaden er midt i ei omstilling frå trykte til digitale medium.

Fleire mediegrupper viser god utvikling, viser oversikta.

Magasin

Nye lesartal frå Kantar Media viser ein liten vekst i den totale magasinlesinga på 1,2 prosent frå 2016 til 2017.

– Stabiliteten i magasinlesinga viser at blada har sterke band til sine lesarar, seier Øgrey.

Matblad trekkjer til seg lesarar, med ein lesartalsvekst på 17 prosent i 2017. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...