Heim Nyhende Fråverande måldebatt i Sel

Fråverande måldebatt i Sel

12. mars skal Sel kommune i Gudbrandsdalen ha rådgjevande folkerøysting om målform ved Otta skole. Nesten ingen møtte på eit ope møte om folkerøysting og målform på skulen i går.

Åtte personar, i hovudsak tilsette og politikarar i Sel kommune, kom på folkemøtet, melder Gudbrandsdølen Dagningen.

Lokalavisa skriv vidare at leiaren i foreldrearbeidsutvalet (FAU) ved Otta skole, Irene Viken, sa rett ut at ho ikkje hadde merka noko engasjement i det heile rundt denne saka. Ho var ikkje FAU-leiar i fjor då saka blei tatt opp på politisk hald fordi det sterkt minkande talet på nynorskelevar, heilt ned i fem-seks elevar, skapte problem med å få til store nok klassar ved skulen.

Kommunalsjef Kari Hølmo Holen og pedagogisk leiar Bente Krogseter hadde trudd det kom fleire enn det gjorde på folkemøtet.  Ordførar Dag Erik Pryhn sa at låg oppslutning i seg sjølv var eit signal politikarane måtte ta omsyn til. Dei ønskte seg elles tydelege signal ved folkerøystinga 12. mars og at folk møtte opp sa frå kva dei meinte.

Då det vart røysta om målform ved skulen i 1972 var oppmøteprosenten 40 med overvekt av bokmålsrøyster. 182 ville ha bokmål medan 144 ville ha nynorsk. Det var ikkje nok for politikarane til å skifte ut nynorsken den gongen.

Otta skole er ein av fire skular i Sel kommune og skulen ligg i kommunesenteret Otta. Skulen har rundt 300 elevar fordelte på 1. til 7. klasse. Her kan du lese meir om den rådgjevande folkerøystinga i Sel. Sel kommune er nøytral i val av målform.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...