Heim Nyhende Gir ut barnebok

Gir ut barnebok

Ungdomsbedrifta Froskeprinsen har laga barnebok om miljøvern.

Den digitale barneboka heiter Froskeprinsen på reise. Ho er laga av ei ungdomsbedrift med 11 tilsette frå studiespesialisering med formgjeving på Mo og Jølster vidaregåande skule.

– Boka handlar om Froskeprinsen, som reiser ut i verda for å møte vennene sine. Vennene har vore ute for mange katastrofar på grunn av miljøet, og no må dei ordne opp, forklarar kundeansvarleg Karoline Vie.

Froskeprinsen er ei digital bok med lyd, bilete og litt tekst, som kan spelast av i DVD-spelar eller på PC. Bedrifta hadde litt erfaring med illustrasjon før dei sette i gong, men ikkje så mykje kunnskap om tekstformidling.

– Vi har hatt Janne Karin Støylen frå Nynorsksenteret med oss som mentor. I tillegg har vi hatt besøk av illustratøren Anna Angelshaug, og vi har hatt hjelp av lærarane våre, seier Vie.

Boka er no lagd ut for sal på bedrifta si eiga heimesida og i ein leikebutikk i Førde. Vie håper dessutan at dei snart skal ha ein avtale på plass med Statoil og Coop lokalt. Karoline Vie fortel at det har vore ein lang og lærerik prosess å gje ut ei bok.

– Det er mykje arbeid å gje ut bok, og vi har gjort alt sjølv, seier ho. Arbeidet har lønt seg. Nyleg fekk Froskeprinsen UB førstepris for beste produkt på fylkesmessa for ungdomsbedrifter i Sogndal. I tillegg vart dei nest best i klassen for design. Det var ei fin oppleving, seier Vie.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...

Nynorsk-tap på Stortinget: – Ekstremt skuffande

Utdanningskomiteen på Stortinget har i dag sagt nei til å sikre nynorske læringsressursar som er laga for skulen. – Det er heilt uforståeleg at fleirtalet...

Skriv nynorsk på nynorskdagen 12. mai

– Vi utfordrar alle i Noreg til å skrive nynorsk i dag. Nynorsk er for alle, og på nynorskdagen er det lov å prøve,...

Tre millionar til nynorskbrukarane

Nynorsk kultursentrum får til saman tre millionar i eingangstilskot på revidert nasjonalbudsjett. – Dette er svært! Desse midlane skal vi bruke klokt i tett samarbeid...