– Eg er glad for at vi får eit nynorsk teater i Bergen sentrum, seier fylkesordførar Tom-Christer Nilsen etter at Hordaland fylkesting gjev tilslutnad til at Hordaland teater kan flytte frå Stend til Logen teater.
Fylkestinget bed om at høvet for fylkeskommunal lånegaranti til prosjektet blir utgreid. Fylkeskommunen må og følgje opp staten i høve auka finansiering av Hordaland teater knytt til ny lokalisering.
Fylkesrådmannen har fått i oppdrag å kome tilbake til driftstilskot i samband med budsjettarbeidet, melder Hordaland.no.
I sluttfasen
Hordaland teater har gjennom fleire år jobba målretta for å etablere seg i Bergen sentrum.
Teateret er no i sluttfasen med å forhandle fram ein langtids avtale med Selskabet Den Gode Hensigt om leige av Logen. Hordaland teater ser Logen som ei svært attraktiv lokalisering.
