Heim Nyhende I kampen for nynorsk

I kampen for nynorsk

Elevar på Firda vidaregåande skule går i kampen for nynorsk – på Facebook. Lærar Ingrid B. Håheim meiner dette kan styrke språkvalet til ungdommane.

– Kva prosjekt er dette?

– Facebook-sida vår er ikkje eigentleg eit prosjekt, men meir eit stunt. Me kastar eit snøre ut i eteren og ser kva som nappar. Årsaka til at eg som lærar kom på dette, var eit samarbeidsprosjekt mellom dei vidaregåande skulane i Valdres og Firda. Medan ungdommane i Firda held bra på nynorsken, har dei lettare for å gå over til bokmål i Valdres. Difor har norsklærarane samla seg for å sjå på kva ein kan gjere.

– Kvifor Facebook-side?

– Sidan eg føler klassen min er godt festa i valet sitt om å bruke nynorsk, fekk eg lyst til å skape debatt om nynorsk. Kanskje det å møte motstand på nettet kunne få elevane til å debattere og reflektere meir over sitt eige språk? Me vil gjerne vise andre at nynorsk kan brukast i anna enn dikt. «Nynorsk er så vakkert i dikt» er ei utsegn som eg er utruleg lei av. Me vil trekkje nynorsken ut av nasjonalromantikken og bunadsskogen og vise det som eit moderne og bruksvennleg språk ein kan bruke til alt.

– Korleis er responsen på sida?

– Det er i dag 159 som likar sida vår. Eg veit ingenting om Facebook og synest det kan vere ein kaotisk stad, difor lærer eg noko nytt heile tida. Me sjekkar sida i norsktimane, ser om det er kome interessante innspel, og prøver å finne på noko nytt å ta opp.

– Kven er lesarane på sida?

– Me har sett at namnet vårt kanskje hindrar oss i å nå dei som ikkje likar nynorsk, så me har diskutert om me skal skifte namn. Me har i tillegg lagt ut ei kartlegging som me håpar fleire svarer på. Kartlegginga viser så langt at det er «truande» nynorskbrukarar som les oss. Likevel er det interessant å sjå kor mange ulike folk som markerer at dei likar oss.

– Kva ynskjer de å oppnå?

– Eg håpar dette kan vere ein aktivitet som kan vere med på å styrke unge nynorskbrukarar i deira val om halde fram med å skrive nynorsk. Politikarane gjer det ikkje lett for dei, og det er eigentleg eit under at det i det heile er att nokon som vel å skrive på nynorsk.

– Framtidsplanar?

– Me har lurt på om me skulle starte ein biletserie som heiter «Eg skriv nynorsk», og ta bilete av alt og alle som er så langt unna nasjonalromantikken som ein kan tenkje seg. Og toppe det med to fine frognerfruer på Grand.


Namn: 3STA ved Firda vidaregåande skule og lærar Ingrid B. Håheim

Bur: Sandane i Sogn og Fjordane

Aktuell: Har starta Facebook-sida «Kampen for nynorsk», som skal skape debatt om språk og nynorsk. 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...