Det har vore ein jamn befolkningsvekst i vestlandsfylka, og Hordaland har hatt størst auke i 2015.
Av fylka på Vestlandet har Hordaland hatt den største befolkningsveksten frå 2015 til 2016, syner ferske tal om befolkningsendring frå SSB.
I Hordaland fylke har befolkninga auka frå 511.357 til 516.497, noko som svarar til ein vekst på 1,0 prosent. I Rogaland er endringa på 0,8 prosent, og for Møre og Romsdal, og Sogn- og Fjordane er auken på 0,3 prosent.
Skodje i Møre og Romsdal har hatt størst befolkningsauke i Møre og Romsdal, med heile 3,5 prosent. Der har befolkningstalet gått frå 4.420 til 4.620 innbyggjarar. I Sogn- og Fjordane hadde Naustdal kommune den største befolkningsauken med 2,3 prosent i 2015.
Telemark fylke har hatt ein litt mindre auke i befolkningstal, frå 171.494 til 172.953, som er 0,3 prosent auke. Bø i Telemark utmerkjer seg i fylket med ein befolkningsvekst på 2,1 prosent frå 2015 til 2016.
Sande i Møre og Romsdal er den kommunen på Vestlandet som har hatt størst nedgang i befolkninga, med -2,9 prosent. I Sande kommune har talet på innbyggjarar gått frå 2.635 til 2.559 innbyggjarar i 2015. (©NPK)
