KAA har hovudkontor i Valle i Setesdalen.
– Me er ei verksemd som i alle år, sidan 1984, har nytta nynorsk som skriftleg målform og me har hovudkontor i eit område som er sterkt forankra i nynorsk tradisjon, seier Tronsen som meiner kraftfondet og språkorganisasjonen deler mange verdiar.
Han legg vekt på at KAA ynskjer å vere med i ein organisasjon som har fokus på å halde på og utvikle eit godt skriftleg språk i nynorsk drakt.
– Det nettverket som me trur me vil finne gjennom LNK vil og vere viktig for verksemda i KAA. Nynorsk som målform er også meir handlingsretta enn bokmål. Dersom dette vert utnytta og utvikla vil nynorsken bidra til skriftlege framstillingar som er tydelege og kortfatta. Eg meiner LNK har ei sentral oppgåve nett på dette, slår Tronsen fast.
