Heim Nyhende – Legg opp til sterk sentralisering

– Legg opp til sterk sentralisering

Dramatiske konsekvensar for Sogn og Fjordane, medan Oslo får ein halv milliard meir per år. Jan Tore Sanner (H) har bestemt kva fylkeskommunane skal få i framtida.

 

Regjeringa presenterte i dag nytt inntektssystem for fylkeskommunane. Sogn og Fjordane fylkeskommune vil etter ein overgangsperiode på fem år få opp mot 250 millionar kroner årleg mindre enn i dag. Det vil få store konsekvensar for tenestetilbodet til fylkeskommunen.

– Det vil vere dramatisk for innbyggarane i fylket om vi får så reduserte inntektsrammer som det ser ut til i dag. Vi har vore klar over at eit nytt inntektssystem ville gi oss lågare inntekter. Den førre inntektsgarantiordninga gjorde likevel at utfordringane var handterbare. Regjeringa erstattar no denne med ei overgangsordning, som gjer at vi får langt tøffare utfordringar, seier fylkesordførar Åshild Kjelsnes (Ap).

Ho er oppteken av at inntektssystemet ikkje berre er eit fagleg spørsmål, men er i like stor grad politiske vurderingar.

– Eg vil no følgje dette nøye fram mot handsaminga i Stortinget, seier Kjelsnes.

LES OGSÅ: Her er dei mest sårbare kommunane

Store omfordelingar
Fire fylkeskommunar vinn over 100 kroner per innbyggar på endringane. Oslo er den suverene vinnaren, mens også Rogaland, Vestfold og Buskerud, Oppland og Aust-Agder får klar auke i inntektene sine over tid. Utanom Sogn og Fjordane er det Nordland, Troms, Nord-Trøndelag, Finnmark, Hedmark og Hordaland som taper meir enn 100 kroner per innbyggar når endringane har fått full effekt i 2019, ifølgje Kommunal-Rapport.

Totalt er det knapt éin milliard kroner som blir omfordelt mellom fylka på grunn av endringane i inntektssystemet. Oslo får halvparten av denne gevinsten, medan Sogn og Fjordane og Nordland betaler halvparten.

– Slik det ser ut no, så legg det nye inntektssystemet opp til ei sterk sentralisering, slår Kjelsnes fast.

– Vi ser at storbyane har utfordringar, som sterk folketalsauke og press på kollektivtrafikken og infrastrukturen. Utfordringane i distrikta er gjerne knytte til svak folketalsutvikling, spreidd busetnad, lange avstandar, vanskeleg topografi og manglande statlege tenester, som til dømes NSB. Vi kan ikkje bruke ein og same reknemodell for å løyse så ulike problem, seier fylkesordføraren i Sogn og Fjordane.

LES OGSÅ: Vestlandet dominerer Nærings-NM

Sanner: – Meir rettferdig
Kommunal- og moderniseringsminister Jan Tore Sanner (H) meiner det nye systemet er meir rettferdig.

– Inntektssystemet er meint å fordele pengane objektivt, ut i frå korleis fylkeskommunane bruker pengane når dei lagar tenester til innbyggarane. Dette systemet har ikkje vore endra på 20 år. Kriteria og fordelinga av midlar gjennom inntektssystemet speglar derfor ikkje kostnadene og behova til fylkeskommunane i dag. Det har sidan 2005 vore varsla at inntektssystemet til fylkeskommunane bør oppdaterast. No gjer vi det, seier kommunal- og moderniseringsminister Jan Tore Sanner i ei pressemelding.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...