Stian Seland (23) vart måndag vald til ny leiar for LNU – Norges barne- og ungdomsorganisasjoner.
Seland seier han gler seg til å bidra til at norske barne- og ungdomsorganisasjonar skal kunne halde fram med å redde verda.
Han vart vald på LNU sitt representantskapsmøte – Barne- og ungdomstinget, og med over ein halv million medlemskap i norske barne- og ungdomsorganisasjonar er det eit mangfaldig og viktig verv han tar over.
– Eg ser frem til å jobbe med at organisasjonane skal få gjere det dei kan best. Alle medlema våre bidreg på ulike måtar til å forandre verda til det betre, seier han.
Han ser fram til å leie LNU i tida frem mot stortingsvalet, og å jobbe for å vise kor verdifullt arbeidet til LNU gjør.
– Det er ei myte at barn og unge ikkje lenger engasjerer seg i organisasjonsarbeid. Fleire barne- og ungdomsorganisasjonar blir danna, og talet på medlemer i organisasjonane aukar.
At slike myte får fotfeste er derfor veldig leit. Det gjer det vanskelegare å få til gode ramevilkår for dei meir 500.000 barn og unge som engasjerar seg i organisasjonsarbeid, seier Seland.
Den nyvalde leiaren er fødd og vaksen opp i Oslo, og har vore med i Norges Speiderforbund i 15 år. Han har sete i LNU-styret det siste året, og har også hatt tillitsverv frå andre organisasjonar. Han studerer for tida retorikk ved Universitetet i Oslo.
