Heim Nyhende Meirspråklege glede

Meirspråklege glede

I dag er det 125 år sidan Stortinget gjorde jamstellingsvedtaket som sidestilte landsmålet med «det almindelige Skrift- og Bogsprog».

– Sidan har vi fått lovar om opplæring, målbruk i offentleg teneste, nynorskkrav til NRK og støtteordningar som skal fremja nynorsken. I alle år har det vore strid og motstand mot jamstellinga, skriv leiar i Mediemållaget, Berit Rekve i ein kronikk i Aftenposten.

Ho stiller også spørsmål om kvifor mange framleis ser på den norske språkstoda med to jamstelte normer som ei bør.

– I sidemålsdebatten synest premissen stundom å vera at det er grenser for kor mykje språk det er plass til i eit elevhovud. Det er det ikkje grunn til å tru. Over store delar av verda er det vanlegaste at ein har fleire språk ikring seg. Å meistra dei er sjølvsagt ein styrke. I Noreg blir det stikk motsett lite verdset at innfødde nordmenn, så vel som mange med bakgrunn frå andre land kan fleire språk, held Rekve fram.

– Dei to språkkulturane skapar spenning og merksemd om norsk språkbruk og om mangfaldet i språket. Ved å ha god dugleik i både nynorsk og bokmål vert ein «meirspråkleg». Dette burde vera den positive innfallsvinkelen for både lærarar og dei som har skriving på norsk som levebrød. Ein kan sjå det som ein del av den språkkulturelle danninga. Utan opplæring i begge målformene, og utan å møta dei i alle samanhengar og sjangrar, vert den norske danninga veikare.

Også leiar i Noregs Mållag, Håvard B. Øvregård er klar til å feire jamstellingsvedtaket.

– Det er framleis utfordringar som står att, mellom anna nynorskforbodet i dei største tabloidavisene. Men hovudsaka i dag er at jamstellingsvedtaket i 125 år har gjort Noreg til eit rikare samfunn. Dette er vel verdt å feire, seier han i ei pressemelding.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...