Meir enn halvparten av norske kommunar har no ei offisiell side på Facebook, og Sarpsborg og Utsira er mellom dei beste til å bruke dei.
Det er kommunikasjonbyrået I all offentlighet som nyleg har gjennomført eit NM i Facebook, og dei har vegd og målt kommunane sin innsats i sosiale medium.
Her ser dei på kor mange følgjarar kommunesidene har, om folk engasjerer seg på sidene og om talet på følgjarar aukar.
I denne andre NM-runden er Sarpsborg kommune halde fram som vinnar i følgjar-kategorien: Sarpsborg er den kommunen med flest antall følgjarar totoalt sett, dei har 5618 som likar sida. Samstundes vinn Utsira klassen for flest følgjarar relativt til innbyggjartalet i kommunen. Utsira, med sine 206 innnbyggjarar, har 1212 følgjarar på Facebook.
Båe desse kommunane har også fått heider og skryt for sine nett- og sosiale mediumsatsingar ved andre høve.
Elles er det Rissa og Vindafjord kommunar som har dei mest engasjerte brukarane på Facebook, følgjarane deira og andre deler ivrig innhaldet deira vidare. Berg og Bergen kommuar toppar kategoriane vekst i talet på følgjarar.
I all offentligeht definerer kommunen si Facebook-side som ei heilskapleg side som representerer heile kommunen, ikkje berre einskilde sektorar som bibliotek eller kultur.
Vil du sjå om din kommune nådde opp? Her ser du heile oversikten.
