Medietilsynet peikar i sin rapport for 2010 på at NRK ikkje innfrir krava til 25 prosent nynorsk på radio, tv og internett.
På kanalnivå varierer nynorskandelen frå 24 prosent i P1 til i overkant av ni prosent i NRK Super. På nrk.no var andelen 17 prosent, står det vidare i rapporten.
– Allmennkringkastingsrapporten viser at vi samla har eit godt tilbod av allmennkringkasting i Noreg, både frå NRK og kommersielle aktørar. Likevel er det, som vi peikar på i rapporten, manglar i tilbodet, seier Tom Thoresen, direktør i Medietilsynet.
Han legg til at både NRK og dei kommersielle aktørane har viktige samfunnsforpliktingar. NRK har skrive desse ned i vedtektene sine, og dei kommersielle aktørane har fått forpliktingane sine gjennom konsesjonsvilkåra. Allmennkringkastarane har plikt til å dekkje eit vidt spekter av programområde.
Les kommentarane Medietilsynet har til dei andre allmennkringkastarane P4 og Radio Norge her.
