Heim Nyhende Nynorsk litteraturpris til Sveen

Nynorsk litteraturpris til Sveen

Lars Petter Sveen fekk Nynorsk litteraturpris for den kritikarroste romanen «Guds barn».

 

– Eg er veldig glad for at eg har fått prisen. Eg hadde nynorsk på barneskulen, bytte til bokmål på ungdomsskulen og vidaregåande. Men eg fekk aldri noko nærleik til det språket, den nærleiken har eg berre til nynorsken, fortel Lars Petter Sveen, då han tok imot prisen.

Sveen bur til dagleg i Tanzania, der han arbeider som forfattar på fulltid, men mållagsmedlemmet var heime i Noreg for å ta imot prisen.

Det er Noregs Mållag, Det Norske Samlaget og Det Norske Teatret som står bak prisen, som vart delt ut fyrste gong i 1982.

I tillegg til eit diplom får vinnaren 30.000 kroner.

LES OGSÅ: Den nye, gamle historia

Personane rundt Jesus
Romanen «Guds barn» tek utgangspunkt i Det nye testamente. Historia byrjar ved Jesu fødsel og sluttar etter hans død, men Sveen har valt å bygja ut persongalleriet og dikta vidare rundt personar, som gjerne berre er vigd ei setning i originalverket.

Ifølgje forfattaren sjølv er tredjeboka hans beste til no. Og kritikarane ser ut til å vera einige.

Romanen er seld til USA og har vore nominert til både Kritikarprisen, Ungdommens kritikarpris og P2-lyttarane sin romanpris, før han no når heilt til topps.

Juryen meiner Sveen har skrive ein samansett roman om det gode, det vonde og det vakre. Ein roman av eit slag ein aldri heilt har sett maken til, og som vil leve vidare hos lesaren lenge etter at lesinga er over.

Vakkert og brutalt
I grunngjevinga heiter det at Nynorsk litteraturpris 2014 går til ein modig og tankevekkande roman som kombinerer det historiske og det samtidige på særeige vis. Romanen går inn til mergen av samtida vår, ved å fortelje om handlingar som skjedde for 2000 år sidan. Det bibelske, det tidlause og det samtidige er vove saman i eit fascinerande mønster av forteljingar om enkeltmenneske sine lagnader, håp og verdiar. Mange historier er sette saman til ei stor.

Romanen let oss bli kjende med ulike menneskelagnader og deira møte med vondskap og kjærleik, tvil og tru, opprør og makt. Vi møter menneske som vert knuste av vondskap, som vert skaka av tvil, som vert løfta i tru. Dei lever i eit samfunn fylt av bestialitet og vondskap, men der kjærleiken og det gode heile tida også finst – som ei mulegheit.

Prisvinnaren gjer bruk av krafta, rytmen og poesien i det bibelske språket, og gjer det moderne, vakkert og brutalt, meiner juryen, som består av forfattarane Ove Eide, Ragnar Hovland og Mari Moen.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...