Heim Nyhende Ordføraropprop overlevert justisministeren

Ordføraropprop overlevert justisministeren

På vel éi veke er det samla inn 150 ordførarunderskrifter for eit lokalt forankra nærpoliti. Måndag vart oppropet overlevert justisminister Anders Anundsen (Frp).

 

Bakgrunnen for fellesoppropet til Stortinget er politianalysen, der det mellom anna er foreslått å redusere talet tenestestader frå 354 til 210.

–  Nærpoliti botnplanken
Det er ordførarane i kommunane Tysnes, Balestrand og Hjartdal som har teke initiativet til oppropet, der det blir tala mot ei politisentralisering og for eit lokalt forankra nærpoliti.

– Vi fryktar at ei sentralisering vil gjere at politiet forsvinn frå lokalsamfunna, og at med det forsvinn lokalkunnskapen, seier ordførar i Balestrand, Harald N. Offerdal (Ap).

–  Vi gjer dette på vegner av innbyggjarane våre, vi har fått klare signal frå dei, seier Offerdal

Ordførarane ønskjer fokus på nærpolitimodellen i den vidare behandlinga av politianalysen.

–  Det framtidige politiet i Noreg må tuftast på botnplanken nærpolitiet. Noko anna enn det utgangspunktet er vi ikkje interessert i. Ja til forandring, men behald nærpolitiet, seier Kjetil Hestad, Ap-ordførar i Tysnes.

150 underskrifter
Saman med Hjartdal-ordførar Sven Tore Løkslid (Ap) overleverte Hestad og Offerdal det tverrpolitiske oppropet til justisministeren. Dei karakteriserer overleveringa som eit kort, men godt og innhaldsrikt møte.

–  Han var takksam for at kommunane engasjerer seg tidleg i prosessen og kjem med viktige signal i forhold til den vidare politiske prosessen, fortel Hestad.

–  Han sa at når 150 ordførarar har gått saman, er det eit sterkt signal.

Ifølgje ordførarane signaliserte Anundsen at han vil ha eit samarbeid med kommunane om den framtidige utviklinga av politiet.

Ordførarane møtte også leiaren i justiskomiteen, Hadia Tajik (Ap), måndag.

–  Ho var òg glad for at kommunane var tidleg ute med eit sterkt signal. Ho sa òg at når 150 ordførarar har gått saman, er det klart at ein må ta det med seg, fortel Offerdal.

Følgjer opp
Ordførarane har mobilisert på kort tid- innsamlinga av underskrifter starta fredag 15. november.

–  Det seier litt om engasjementet at ein greier å mobilisere så mange på éi veke, meiner Harald N. Offerdal.

Ordførarane viser til at kommunane kjem til å følgje opp saka vidare.

–  Vi er ikkje ferdige fordi om oppropet er levert og vi har hatt eit godt møte. Distrikts-Noreg følgjer med vidare på prosessen, seier Kjetil Hestad. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– Éin nynorskmillion er ikkje nok

– Det er avgjerande at Teater Vestland får auka tilskot i ei krevjande tid, men Støre-regjeringa har samla sett ikkje levert godt nok for...

Jublar over nynorskstøtte

Nynorsk bedriftsforum er tildelt 950 000 kroner frå spelemidlane for 2025. Midlane er fordelte av Kultur- og likestillingsdepartementet og skal gå til vidare utvikling...

Trond (39) er tilsett i LNK – skal styrka nynorsk i skulen i Rogaland

Landssamanslutninga av nynorskkommunar har tilsett Trond Salte (39) for å få fart på prosjektet «Meir mål på Jæren». – Det er makelaust gildt! seier Trond...

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....