Berre kvar fjerde rådmann trur kommunen hans har rokke å vedta samanslåing med ein eller fleire andre kommunar før fristen går ut ved utgangen av neste år.
Det store fleirtalet av rådmennene som er med i Kommunal Rapports undersøking svarer at fristen ikkje held, at dei ikkje veit eller ikkje vil svare (høvesvis 27 og 45 prosent). 28 prosent svarer at dei trur dei skal rekke å vedta samanslåing i tide.
Kommunaldepartementet har sett frist til våren 2016 med å komme med forslag til korleis dei kan slå seg saman med nabokommunane. Det er fullt mogleg for kommunane å seie nei til samanslåing. Men det som ikkje er mogleg, er å ikkje gjere nokon ting, understreka regjeringa og støtteparti då startskotet for kommunereforma vart avfyrt for ein månad sidan.
Dei fleste svarer at utgreiingar eller førebuingar er under arbeid, sjølv om nokre rådmenn oppgir at kommunestruktur ikkje vert debattert i deira kommune no.
Regjeringa håpar kommunane vil la seg freiste av eingongsstøtta på 20 millionar kroner i tillegg til ei reformstøtte på mellom 5 og 30 millionar kroner per frivillig kommunesamanslåing innan 2017. (©NPK)
