Heim Nyhende Rekordtrafikk på Framtida.no og Framtidajunior.no i 2020

Rekordtrafikk på Framtida.no og Framtidajunior.no i 2020

Dei nynorske nettstadene for barn og unge har opplevd rekordstor bruk i 2020.

Samla var over 120.000 brukarar innom Framtidajunior.no i 2020. Det er ny rekord og auke på 34 prosent frå 2019 for den nynorske nettstaden for alle barn.

– Me opplevde ein stor vekst i vår då skulen blei digital, og talet på lesarar har halde seg høgt resten av året. Det er veldig kjekt å sjå at me når ut til så mange barn, fortel redaktør Svein Olav B. Langåker.

Nøgde lesarar

I løpet av 2020 var 877.000 brukarar innom nyhende- og debattavisa for unge Framtida.no. Det er nest høgast nokon gong. Og med ein auke i tidsbruken på 24 prosent per brukarøkt, så har brukarane til Framtida.no aldri før brukt så mykje tid på nettstaden som i 2020, ifølgje den redaksjonelle rapporten som blei lagt fram måndag.

– Det er eit medvite val å satsa meir på kvalitetsjournalistikk. Det viser seg igjen i at lesarane våre bruker lengre tid på oss. Brukarundersøkinga vår viser òg at lesarane våre er meir nøgde enn nokon gong før, seier redaktør Svein Olav B. Langåker. Over ein tredjedel av dei som svara på lesarundersøkinga gav Framtida.no terningkast seks.

Satsar vidare i 2021

Framtida.no planlegg fleire nye artikkelseriar i 2021. Avisa fekk nettopp tilsegn om støtte frå Fritt Ord til ein artikkelserie om gløymde kriser. Avisa vil òg halda fram med serien med forklarande saker; I klårtekst og serien Nesten vaksen.

– Det viktigaste løftet vårt til neste år er å dekkja stortingsvalet på ein måte som engasjerer unge. Som ein del av denne satsinga vil me invitera til debatt både på nett og i fleire bibliotek som me samarbeider med, fortel redaktør Svein Olav B. Langåker.

Framtida.no vil invitera endå fleire aviser, skular og kommunar til samarbeid, og vil arbeida for å bli endå meir brukt i skulen.

I januar startar Framtida.no kåringa av nynorsktalent me vil sjå og høyra meir av i framtida. Denne kåringa blir gjennomført i samarneid med Norsk Målungdom og Nynorsk kultursentrum.

Framtida.no og Framtidajunior.no blir drivne av Landssamanslutninga av nynorskkommunar i samarbeid med ABC Startsiden.

Les heile den redaksjonelle rapporten her!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...