Heim Nyhende Riksmålsforbundet: Innvandrarar bør læra bokmål

Riksmålsforbundet: Innvandrarar bør læra bokmål

Riksmålsforbundet meiner alle innvandrarar bør læra bokmål fordi dei mest truleg vil flytta til ein by. – Det betyr jo at nynorsk ikkje blir forstått andre stader i landet, protesterer Sylfest Lomheim.

 

I haust sette Noregs Mållag i gang ein kampanje for at fleire kommunar skal gå over til å undervise i og på nynorsk til vaksne innvandrarar.

– Folkeveksten kjem i dag av utanlandsk innvandring. Innvandrarar er viktige tilflyttarar for heile Distrikts-Noreg. Det er difor viktig at dei som buset seg i nynorskområde, vert godt integrerte og lærer det lokale språket, uttala leiar i Noregs Mållag Marit Aakre Tennø i desember til deira eigne nettsider.

I innlegget skryt ho av Årdal, som er den 43. kommunen som vedtek nynorsk opplæring for innvandrarar.

I tillegg har Voss, Ullensvang og Hjelmeland nyleg vedteke det same.

Ueinige språkforskarar
Men Riksmålsforbundet er ikkje einige i at innvandarar bør læra nynorsk, sjølv om dei er busette i nynorskkommunar.

– Vi må tenkje på den enkelte språkbrukar og omsynet til den enkelte asylsøkjar. 90 prosent av folket skriv bokmål og 10 prosent skriv nynorsk, og for personar som flyttar på seg og har ein annan språkbakgrunn, så trur eg det mest nyttige og praktiske vil vere at dei lærer bokmål, seier leiar i Riksmålsforbundet Trond Vernegg til NRK.no.

Han får støtte av språkforskar Finn Erik Vinje, som meiner at ein av menneskelege omsyn ikkje kan venta at ein innvandrar frå Afghanistan eller Syria skal kunna læra seg meir enn ei målform og at bokmål då bør føretrekkast.

Tidlegare leiar i Språkrådet, Sylfest Lomheim, er av ei heilt anna oppfatting.

– Viss det er slik at flyktningar som lærer seg å snakke nynorsk ikkje kan flytte til andre delar av landet enn indre vestland, så betyr det jo at nynorsk ikkje blir forstått i andre delar av landet, seier Lomheim til NRK.no.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...