Heim Nyhende –Samanslåing sit langt inne

–Samanslåing sit langt inne

Forskar Kjetil Lie ved Telemarksforsking meiner det vil vere samfunnsøkonomisk lønnsamt å redusere talet på kommunar.

Telemarksforsking har sett på kva erfaringar ein sit att med etter dei fire frivillige kommunesamanslåingane som er gjennomførte i landet etter 2002. Kristiansund og Frei kommune slo seg saman 1. januar 2008, i 2005 vart Bodø og Skjerstad kommune i Nordland til nye Bodø kommune, og i 2006 slo Aure og Tustna kommune i Møre og Romsdal seg saman til nye Aure kommune. I 2006 slo også Ølen og Vindafjord kommune i Rogaland seg saman, til nye Vindafjord kommune.

Betre kvalitet

Rapporten frå Telemarksforsking viser at erfaringane ein sit igjen med, i store trekk er positive. Resultata viser også at det er avgjerande korleis samanslutninga vert gjennomført, og kor lang tid prosessen tek.

– Kommunane står fram som meir robuste fagmiljø og mindre sårbare etter samanslutningar, seier Lie.

Rapporten frå Telemarksforsking viser mellom anna at kvaliteten på tenestene kommunane leverer, blir betre på grunn av større fagmiljø. I fleire tilfelle er også ressursar flytta over frå leiing, administrasjon og fellesoppgåver til tenesteproduksjon. Likevel legg ein i rapporten vekt på at det kan bli større utfordringar med å få ei harmonisering av tenestenivået dersom kommunane og nivået på tenestene er svært ulike. I følgje rapporten har kommunane lagt vekt på å oppretthalde eit desentralisert tenestetilbod. Kommunane meiner også dei er betre rusta til å møte utfordringar innan samfunns- og næringslivsutvikling.

– Det bør vere eit potensiale for økonomisk innsparing ved samanslåingar, meiner Kjetil Lie.

– Større gulrøter

Trass i at forskinga viser positive resultat, tviler han likevel på at det vil bli mange frivillige kommunesamanslåingar i framtida.

– Det må nok større økonomiske gulrøter til skal ein få dét til. Ei kommunesamanslåing sit langt inne for mange, det handlar ofte om kjensler og posisjonar. For mange er tanken på å slå seg saman med ein annan kommune framand, meiner Kjetil Lie.

Han trur derimot ein må til med tvangssamanslåingar om ein skal redusere talet på kommunar.

– Det blir vel sagt at dersom ein kommune skal få noko ut av den planlagde samhandlingsreforma, bør kommunen ha mellom 20 000 og 25 000 innbyggjarar. I så fall må det til ein betydeleg reduksjon i talet på kommunar, mykje meir enn ei halvering, slår Lie fast og legg til at ein no ikkje berre bør sjå på kommunegrensene, men også på inndelinga mellom fylkesgrensene.

 

NYNORSK INSPIRASJON

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

Fem bibliotek kan bli nynorskfyrtårn

På landsmøtet i Noregs Mållag i helga lanserer direktør i Nynorsk kultursentrum Per Magnus Finnanger Sandsmark ei ny satsing på nynorskformidling i...

Tips til digital litteraturformidling på nynorsk

Kreativiteten i den digitale litteraturformidlinga blømer i desse koronatider! Utlånet av digitale bøker har auka dramatisk etter at biblioteka stengde. Her har me samla fleire tips...
Foto: Colourbox

Her finn du digitale skuleressursar på nynorsk

Her får du hjelp til å finna digitale ressursar på nynorsk til bruk i skulen. Stengde skular og digital heimeskule viser kor viktig det...

MEST LESE

Godt å møtast til festspel igjen

Festspelpublikummet i Ørsta og Volda fekk høyre og sjå programpostar med både Hallstein Bronskimlet, bibelspråk, konspirasjonsteoriar, frisk popmusikk og eksperimentell tango.

Tydde til sivil ulydnad etter manglande nynorsk i Heimevernet

Etter ni år med førespurnader om korrespondanse på nynorsk, rann begeret over for heimevernsoldat Erlend Trones (40). Då innkallinga...

Nynorsk litteraturpris til Tore Renberg: – Kan få lesarane i den nye tida til å elska litteratur

Tore Renberg får Nynorsk litteraturpris 2020 for romanen «Tollak til Ingeborg». – Det har vore forløysande for meg å...

På jakt etter føregangskommunar på lokaldemokrati

Kommunar over heile landet er oppfordra til å søkje om å bli føregangskommune innan lokaldemokrati. – Dette er ikkje...