Noreg har meir enn ein halv million innvandrarar, men utdanningsnivået hjå 4 av 10 desse er ukjend. No skal dette kartleggast.
I løpet av oktober skal 218 000 innvandrarar over heile landet få tilsendt ei spørjeundersøking. Denne skal i første rekkje avdekke kva utdanning denne gruppa har fullført før dei kom til Noreg. Fullført utdanning i Noreg har ein god oversikt over.
Fleire studium har vist at mange innvandrarar er overkvalifiserte til det arbeidet dei har her. 4 prosent av befolkninga er overkvalifiserte for jobben sin, viser tal frå SSB som vart lagt fram i sommar. Hjå innvandrarar frå Asia og Afrika er dette talet på 15 prosent, og også frå EU og Nord-Amerika er det fleire overkvalifiserte, fortel Ledernett.no.
Denne nye kartlegging vil vere med og synleggjere om situasjonen er slik og kan vere eit grunnlag for å iverksetje betre tiltak for inkludering, melder SSB.
